ناتو:هوا هجومیده عادی اهالی دن 23 کیشی قربان بولگن

Image caption هجوم اوچوچی سیز اوچاق تمانیدن عملگه آشیرلگندی.

امریکا لیک حربیلر اوز تیکشرولری آرتیدن اوتگن فبروری آیده اورزگان ولایتیده عملگه آشیرلگن و کمیده 23 کیشی عادی اهالی نینگ عمریگه ضامن بولگن هجومده اوزی باشقروچی لرنی عیب لب چیقیشگن.

هجوم اوچوچی سیز اوچاق تمانیدن عملگه آشیرلگندی.

عینی حادثه ده کمیده 12 کیشی هم یره لنگن لیگنی امریکا حربی لری تصدیق له گن.

تیکشرو نتیجه سیگه کوره ، حادثه، حربی کوچلرگه مشق بیرشده، علاقه و قرارلرنی آلیشده یوییلگن خطالر و کمچیلیکلر باعث یوز بیرگن.

ناتو کوچلری اوشبو حادثه ده هلاک بولگن انسان لر نینگ عایله اعضالریگه تاوان پولی تولش لرینی ایتگن.

افغانستانده فعالیت قیله یاتگن امریکا کوچلری فبروری آییده اورزگانده یولگه قوییلگن عملیات لر باعث کوریلگن تلفات لر و زیان لر نی اوچ آی دوامیده تیکشیریب چیقگن . اوشبو تیکشیریش لر نتیجه سی معلوم بولگن دن سونگ امریکا کوچلری تمانیدن ینگی بیر بیانات چیقگن.

بیانات گه کوره قرییب 30 کیشی دن آرتیق بولگن عادی اهالینی آلیب کیته یاتگن اوچ موتر،عصیان چی لر کاروانی دییه، خارجی کوچلر تمانیدن هوا هجومی نشانیگه آلینگن .

اوشبو بیاناتده کیلیشچه افغانستان ده گی خارجی کوچلر قوماندانی جنرال استانلی مک کرستال گه تاپشیریلگن و ستانلی جناب لری بو حقده جمهور ریس کرزی بیلن صحبت لشیب یول قوییلگن خطا لرطفیلی افغانستان خلقی دن کیچیرم سوره گن.

عینی حالده ستانلی مک کرستال اوشبو عملیات حقیده کوپراق تیکشیریش آلیب باریش لری نی سورب ، افغان خلقی نینیگ حیاتینی سقلش، اولر نینگ اینگ مهم و اساسی وظیفه لریدن بیری بولگنینی تاکید له گن .

ستانلی جناب لری عادی اهالی نینگ قربان بولیشی یا کی یره لنیشی اولر اوچون اچینر لی بیرحالت ایکنی و بوندی حادثه لر اولرگه نسبتا بولگن ایشانچگه یمان تاثیر قویشنی ارغو له گن.

لیکن ناتو کوچلری نینگ سوزچیسی وین شانکس خارجی کوچلر نینگ دواملی عصیانکار لر بیلن اوروشده بولگن لیکلرینی ایتیب بوندن کیینکی حادثه لر ده عادی اهالی تلف بولمسلیگی حقیده هیچ قندی کفالت بیره آلمس لیک لرینی ایتدی .

خارجی کوچ لر تمانیدن یولگه قوییله یاتگن عملیات لرجریانیده عادی اهالی نینگ تلف بولیشی حکومتی نینگ قتتیق تنقید لریگه سبب بولیب کیلگن .