بدخشان و فراه ده جنگلر

Image caption اوچ کیشی طالب لر اوشبو ولایت نینگ بهارک ولسوالیگده اولدرلگن.

افغانستان شمالیده گی بدخشان ولایتده طالبلر گه قرشی قره تیلگن هجومده کمیده اوچ کیشی طالب اولدرلگن.

افغانستان شمال شرقیده گی بدخشان ولایتی رسمیلریگه کوره، اوچ کیشی طالب لر اوشبو ولایت نینگ بهارک ولسوالیگده اولدرلگن.

بدخشان ولایتی والی سی نینگ اورن باسری شمس الرحمن شمس جنابلریگه کوره، افغانستان پلیس کوچلری قوراللی طالب لر یشرنگن حدودنی انیق له گندن کیین اولرگه قرشی هجوم اویشترشگن.

شمس جنابلریگه کوره حربی عملیات نتیجه سیده عصیانچی طالب لردن بیرنیچه کیشی پلیس کوچلری قولیگه توشیشگن.

بدخشان ولایتی رسمیلرینی ایتش لریچه، طالب لر و افغانستان خوف سیزلیک کوچلری آره سیده یوز بیرگن آتشمه لر سبب لی ایککی کیشی پولیس کوچلریدن هم یره لنگن.

بدخشان ولایتی والی سی نینگ اورن باسریگه کوره، طالب لرنی بهارک ولسوالیگدن قووب چیقارگونگه قدر حربی عملیات دوام ایته دی.

فراه ولایتده توقنه شولر

افغانستان غربیده گی فراه ولایتی پولیس گه کوره، اوشبو ولایت نینگ پر چمن ولسوالیگده طالب لر و منطقه اهالی سی آره سیده یوز بیرگن توقنه شولرده کمیده 15 کیشی طالب اولدرلگن.

فراه ولایتی پلیسی نینگ باشلیغی، جنرال محمد فقیر عسکر جنابلریگه کوره، طالب لر و منطقه اهالی سیده آره سیده دوام ایتگن قریب 19 ساعت لیک او روشده اهالیدن هم 6 کیشی هلاک بولیشگن.

فراه ولایتی پولیس نی ایشتچه، عصیانچی طالب لر ، اوشبو ولایت نینگ پرچمن ولسوالیگیده گی پلیس کوچلریگه هجوم اویشترماقچن بولیشگن لیکن منطقه اهالی سی پولیس کوچلریدن حمایه ایتب طالب لرگه قرشی توریشگن.

فراه ولایتی نینگ پلیس باشلیغیگه کوره، اوشبو آتشمه لرده بیر کیشی پلیس هلاک بولگن ینه بیر پلیس ایسه یره لنگن.

فراه ولایتی پلیسگه کوره، طالب لر هجوم اویشترگن منطقه گه عادی اهالینی قوریق لش اوچون کوپ سانده گی پولیس گوچلری هم جونه تیلگن.