افغانستان یوقاری مرتبه لی خوفسیزلیک ملازملری استعفا بیردی.

حنیف  اتمر
Image caption حنیف اتمر حامد کرزی گروهیده کی یقین شخصلریدن بولگن

افغانستان دولتیده کی ایککی یوقای مرتبه لی خوفسیزلیک مسئولی ،ملی تینچیلیک مصلحت قوریلتایی زمانیده ف اوز وظیفه لریده کمچیلیککه یول قویگنی اوچون استعفا بیرگن

.افغانستان جمهور رئیسی حامد کرزی ، ایچکی ایشلر وزیری خنیف اتمر و ملی استخبارات خذمتی نینگ باشلیغی امر الله صالح نینگ استعفالرینی قبول قیلگن.

کابلده کی ملی تینچیلیک مصلحت قورولتایی نینگ بیرنیچی کونیده ،جرگه بولیب اوته یاتکن مکانگه راکت هجومی اوئیشتیریلدی و افغانستان خوفسیزلیک کوچلری قریب بیر ساعت دوامیده ،مراسم یقینیده هجومچیلر بیلن توقنشگن.

مذکور هجوملر افغانستان جمهور رئیسی حامد کرزی مراسم باشله نیشیده نطق ایراد قیله یاتکن چاغیده روی بیرگن. اما جرگه اشتراکچیلریگه زیان ایتمه گن.

افغانستان جمهوری ریاستی تمانیدن ترقه تیلگن بیاناتده ائیتیلیشیچه ، جمهور رئیس تینچیلیک جرگه سی کونیده یوز بیرگن حادثه لر بوییچه ، ایچکی ایشلر وزیری و ملی استخبارت خذمتی باشلیغی بیلن ملاقات اوتکزگن.

Image caption امر الله صالح

بیانات نامه ده ایئتیلیشیچه ، جناب اتمر و جناب صالح تمانیدن هجوملر خصوصیده کی ایضاحلر "جمهور رئیسنی قانیقتیرالمه گن".

هر چند جمهور رئیسنینگ سوزچیسی هر ایککله مسئوول نینگ استعفالری بوییچه آچیقله مه بیرمه گن. لیکن بیانات دن کورینیشیچه ف ایچکی ایشلر وزیری و استخبارت باشلیغی اوز لوازملریدن استعفاگه چیقیشگه مجبور ایتلگنلر.

جمهوری ریاست تمانیدن ترقه تیلگن بیاناتده ، اوشبو لوزاملرگه ینگی صخلر تعیین ایتلگنیچه ، ایچکی ایشلر وزیرلیگی نینگ معاونی محمد منیر منگل اشوبو وزیرلیکده وقتینچه لیک وزیر وظیفه سینی بجروچی صفتیده تعیین ایتلگن و افغانستان امنیت کینگشی نینگ معاونی ابراهیم اسپین زاده، ملی استخبارت خذمتی نینگ باشلیغ وظیفه سینی وقتینچه لیک بجره دی .

مخبرلرگه کوره ، اوشبو ایککی ملازم نینگ استعفالری کوتیلمه گن ده اعلان ایتلگن و بوندن الدین ، بو ایککی کیشی نینگ لوزاملریدن استعفا گه چیقیشلریگه عاید هیچ قندهی نشانه یوق ایدی.

هر چند بوندن آلدین ، کابلده مجاهد لر غلبه سی نشانلنه یاتکن پیتیده مراسمده قوراللی شخصلر هجوم اوئیتشیرگن لیگی یوزه سیدن پارلمان گه چقیریلگن ایدی. لیکن پارلمان ف اولر نینگ صلاحیت لرینی بیکار قیلیشی اوچون ایترلیچه آواز قولگه کیریته المه گن ایدی.