قرغیزیستانده یوزبیریب کیله یاتگن زوروانلیک لرده یوزگه یقین کیشی هلاک بولگن.

قرغیزیستان جنوبیده قیرغیز و اوزبیک جماعه لری آره سیده گی نزاع لر حاضر هم دوام ایتماقده، خبرلرگه کوره حاضرگه قدر یوزدن ارتیق کیشی یوزبیرگن ناقرارلیک لرده هلاک بولگن.

شاهد لر نینگ ایتیشیچه ، قورال لنگن قرغیز لر اوزبیک لرگه هجوم قیلیشماقده.

اوزبیک محلله لری و تجارت لریگه اوت قویماقده.

حاضر اکثر عیال لر ، باله لر و یره دار لر دن عبارت مینگلب اوزبیک لر اوزبیکستانگه اوتیشگه اورینماقده لر.حاضر اوزبیکستان مینگلب قرغیز اوزبیکلر نی قبول قیلیب آلگنی ایتیلماقده.

اوش شهریده کوپلب اوزبیک لر کوچه گه چیقسک ، حربی کییم ده گی و قورا للی قرغیز لر بیزنی آتیشه دی ، دیه اویلریده قمه لیب قالیشگن.

حاضر زوروان لیکلر اوزبیک لر زیچ استقامت قیله دیگن جلال آباد شهریگه هم ترقله یاتگنی حقیده خبر لر بار.

اوزبیک لر بو هجوم لرنی توخته تیش اوچون خلق ارا یاردم ایستش ماقده . موقت قرغیز حکومتی روسیه قوشین کیریتسین دیدی . لیکن روسیه رد ایتگن.

اوزبیکستان تلویزیونی ایسه ، قرغستانده گی اوزبیک لریگه قرشی عامه وی قاتل لیک لریگه چیده بولمه یدی ، دیب چیقدی.

قرغیزستانده ، روسیه و امریکا حربی بیس لری بار، افغانستانگه کیله دیگان امریکا عسکرلری و محصولات لری عیناً قرغیزستاندن اوتیشه دی. حاضرگی نزاع لر ایسه شو باعث هم واشنگتن و هم مسکونی خواطرگه ساله دی.

اوزبیک هم ، قرغیز هم ترکی مردم قرغیزستانده گی دهقان ، هنرمند و تجارت چی بولگن اوزبیک لر قدیم دن شهر و قشلاق لرده یشه ب کیلیشگن. کوچمنچی قرغیزلر ایسه بلند تاغلرده مال ، قوی باقیشگن.

ایککی مردم هم مسلمان ، لیکن کوچ منچی حیات طرزی باعث می ، قرغیزلرده اسلام دینی انچه ضعیف. اوزبیک لرده ، خصوصاً فرغانه وادی سی اهلیده ایسه تقوا انچه بلند.

اوش – فرغانه وادی سی نینگ اینگ قدیمی و ازل دن اوزبیک لر یشب کیلگن شهری . مغول لر اصطلاح سیدن ویران بولگن شهرنی اوز دوریده امیر تیمور قیته تیکله گن. او ییرده بابر قوردورگن آق اوی همان ییریک زیارتگاه حسابلنه دی.

اما شورا دوریده قرغیزستان جمهوریتی توزیلگچ ، اوش ، جلال آباد و اوزگن کبی اوزبیک شهر لری قرغیزستان ترکیبی ده قوشیله دی. شورا لر تاغ لرده گی کوچ منچی قرغیز لرنی پستگه ، شهر و قشلاق لرگه توشیریب ، اوتراق حیات طرزیگه اونده شه دی.

شو اثنا ایگرمنچی عصر باشیگه ، یوزمینگلب اوزبیک لر قرغیزستان ترکیبیگه کیریب ، قاله دیلر. بوگون قرغیزستانده گی اوزبیک لر سانی رسمی رقم لرگه کوره ، قریب ملیون گه یقین لشیب قالگن. اما اصلده قرغیزستانده اوزبیک لر ، ینه ده کوپ بولیشی احتمال لری ایتیله دی.

اوزبیک لر همان شهر و قشلاق لرده یشه یدیلر لیکن قرغیزستان مسقل لیکگه ییریش گچ ، اقتصادی احوالی یمانله شیب ، کوپلب قرغیز لر شهر لرگه کیله باشله دیلر. شو اثنا جنوبی قرغیزستان شهر لریده هم قرغیزلر سانی کوپه یدی.

مستقل لیک ییل لری منطقه مملکت لریده ملی اوزلیک نی انگله ش حرکت لری بعضی ملت چیلیک کیفیتی نی توغدیره باشله گن. خصوصاً ، اوزبیک لر زیچ یشاوچی حدود لر ده حکومت فقط قرغیز و روس تیلیده شعارلر آسیش ده رخصت بیره دی.

قرغیزستانده کوچیگن قشاق لیک و ایش سیز لیک کبی معما لر بیرطرفدن ، ملی نزاع لرگه زمین حاضرلگنی هم تخمین قیلینه دی. شوقطار گه بو ییرده گی اوزبیک زبان مردم اوز تیلی و فرهنگی اعتبار دن چیتده قاله یاتگنی حقیده ایته دی.

اوزبیکستان حکومتی ایسه همسایه مملکت لر ده گی اوزبیک لر مسئله سینی دایما اوشه مملکت لرنینگ ایچکی معما سی دیب ، قره ب کیلگن. اما حاضر اوزبیکستان ، قرغیزستاندن قاچه یاتگن مینگلب اوزبیک لرنی قبول قیله یاتگنی وضعیتگه بیر مونچه اینگیللیک کیریتیشی ممکن.

اوزبیک لر بوتون مرکزی آسیا مردمی نینگ قریب یریمی نی تشکیل ایته دیگن منطقه ده گی اینگ کوپ سانلی ملت.

بیر نیچه ملیون اوزبیک همسایه قرغیزستان ، تاجیکستان ، افغانستان ، قزاقستان و ترکمنستانده استقامت قیلیشه دی.

عادت ده همسایه ملت لر دایما تینچ تاتو یشه ب کیلیشگن و سونگی یوز ییلر بدلیده ، بو خلق لر آره سیده ییریک جنجل یا که نزاع لر چیقگن یوق. بیراق توقسنینچی ییل لر باشیده هم عیناً جنوبی قرغیزستانده اوزبیک لرگه قرشی هجوملر بولگن. و اوشنده اکثر اوزبیک لردن عبارت مینگدن آرتیق کیشی نابود بولگن.