Сўнгги янгиланиш 17 июн 2010 - 16:49 GMT

خلق آرا تشکیلاتلر اوشده گی جنسی زورلش حادثه لرینی تصدیق لشماقده

خلق آرا کمک تشکیلاتی اوشده گی قیزل هاچ شفاکارلریگه مراجعت ایتگن بیرنیچه عیال جنسی زورلش قربانی بولگنلیک لرینی ایتماقده .

قیزل هاچ نینگ قرغیزستانده گی هیئت رئیس نینگ اورین باسری سیورین شاپازنینگ ایتیشچه ، شو هفته تشکیلات نینگ اوش ده گی شفا کارلریگه مراجعت ایتگن بیرنیچه یاش عیاللر اوزلرینی جنسی زورلشگنیدن شکایت ایتیشگن.

"قیزل هاچ گروهی همراه لیگیده گی محلی شفا کارلر عیاللردن بیرینی تیکشرودن اوتکزدی و اونینگ جنسی زورلنگنینی تصدیق له دی ،" دیب ایتگن شاپاز خانم.

"شبهه سیز، زورلش ، بو انسان جسمانی دخل سیزلیگی نینگ اینگ قوپال روشده بوزلیشی و اونینگ ناموسیگه تجاوز دیر . بیز بو کبی حالتلرنی قتیق قاره لی میز،" دیب ایتگن قیزل هاچ وکیله سی .

پنچ شنبه کونی بی بی سی گبرگن اوش لیک اوزبیکلردن بیری اوشده گی "نستالگیه "کافی سی بنا سیده زوزلنگن و اوییرده گروه ده اوشلب تورلگن 8 نفر اوزبیک عیاللر نینگ قرغیز پلیسی یاردمیده آزاد قیلنگنینی ایتدی.

اونینگ ایتیشچه ،عیاللر نینگ زورلنگنی تصویر گه آلینگن و حاضرده اوشده ترقلگنی حقیده خبر لر بار .

اولرنی آزاد قیلیش عملیاتیده اشتراک ایتگنینی ایتگن اوزبیک فعالی عیاللر نینگ اسمی شریف لری و یاشلری حقیده معلومات بیرلمسلیگنی ایتدی.اما اونینگ سوزلریگه کوره ، قرغیز رسمی لری بوندن خبردار.

گواه نینگ ایتیشچه ، عیاللر یوز بیرگن حادثه دن لرزه ده و حاضرده اویلریده اوتریشبدی.اولر شفا کالرگه یاردم سوره ب ، مراجعت ایتیشمه گن.

قیزل هاچ زورلنگن عیاللر نینگ قیسی مللت گه منصوب ایکنی حقیده هیچ نیرسه دیمه گن .

اولراق بیرلشگن مللت لر تشکیلاتی واعظی روپیرت کولویل اوشده عیاللر نی زورلشه یاتگنی حقیده خبرلر آلینگن لیکلری و همه سی مللتیگه قره ب بوله یاتگنینی ایتگن ایدی.

اوشده گی انسان حق لرینی نظارت قیلیش تشکیلاتی هم جنسی زورلش حاللرینی تصدیق له گن.

دوشنبه کونی اندیجان ولایت نینگ خواجه آباد تومن شفا خانه سیده بولگن "فرانس پرس" مخبری شفا خانه گه جنس زورلنگنی ایتلگن اوچ آپه – سینگللرنینگ آلیب کیلنگنی حقیده خبر بیرگن.

ژورنالیست نینگ ایتیشچه ، اوزبیکستان لیک شفاکارلر اولرنینگ زورلنگنینی تصدیق له گنلر.

اوش و جلال آباد زوروانلیکلرده هلاک بولگن لرنینگ رسمی سانی 191 کیشیگه ایتگن، یره لنگنلر ایسه 2000 گه یقین.

قیزل هاچ تشکیلاتی قربانلر سانی یوزلب بولیشی ممکن لیگنی ایتگن.

انسانی انقراض

قیزل هاچ تشکیلاتی ترقه تگن خبرده ایتیلیشچه ، یاردم خادملریدن عبارت گروه چهارشنبه کونی قرغیزستانده جنوبیده گی بیر نیچه اوزاق تومنلرگه ایتیب باریب، او ییرده گی انسانی انقراض مقیاسی حقیده انیق راق معلومات آلیشگه موفق بولگن.

اوش شهری یقینیده گی قورلیش مجموعه سینی باریب کورگن قیزل هاچ وکیللری بیرته بنا ایچیده 3 مینگ انسان نینگ جان سقله یاتگنیگه گوا بولیشگن، 500نفرکیچیک یاشده گی باله لر.

اولر قیزل هاچ دن آزیق –اوقت و باله لرگه تگلیک سورشگن.

تشکیلات وکیللر نینگ ایتیشلریچه ، آخرگی اوچ کونده اوشبو بنا ده 5 نفر چقه لاق توغیلگن.

اوش اطرافیده جان سقله یاتگن قاچقینلرنی اوز کوزی بیلن کورگن تشکیلات وکیللرنینگ ایتیشلریچه ، قرغیزستان ایچکری سیده گی قاچقین لر نینگ سانینی ایتیش قیین.

بیرلشگن مللت لر تشکیلاتی ایسه قرغیزستانده گی سونگی حادثه لر طفیلی 400 مینگ کیشی اوز اوی جای لرینی ترک ایتیشگه مجبور بولگنینی معلوم قیلگن.

قیزل هاچ تشکیلاتی قربانلر سانی یوزلب بولیشی ممکن لیگنی ایتگن.

تشکیلاتگه کوره اکثریت اهالی قرغیزستان ایچکری سیده باش پناه سیز قالگن.

قیزل هاچ نینگ ایتیشچه ، مرکب وضعیت اهالی نینگ خواطرلیک درجه سی ، آزیق-اوقت ، سو و دارو درمانلرنینگ ایتش مه یاتگنی عایله لر ، جماعه لر ، شونینگ دیک اوزبیکستان و قرغیزستان نینگ اوزیده گی اویلرنی تشلب چیققن آدم لرنینگ احوالی ینه ده آغیرلشترماقده.

اوزبیکستان تمانیگه اوتگنلر سانی تشکیلاتگه کوره 75 مینگ کیشی اما باله لر بو حسابگه کیرمیدی.

قیزل هاچ جمعی 100 مینگدن کوپراق قاچقین لرنینگ اوزبیکستان حدودیده باش پناه تاپگنینی ایتماقده .

چهارشنبه کونینگ ایککینچی یرمیده قیزل هاچ نینگ طبی یاردمی آرتیلگن برینچی یاردم اوچاغی اوشگه ایتب بارگن.

تشکیلات اندیجان گه هم یاردم ایتکزیشگه حاضرلنه یاتگنینی بیلدرگن.

یاردملر اوزبیکلرگه ایتیب بارمیپتی

عینی پیتده اوش و جلال آباد ده گه باره یاتگن یاردم تلان –تاراج قیلنه یاتگنی و بازارگه آلیب چیقیب ساتله یاتگنی حقیده خبر آلنماقده .

اوشده گی اوزبیک چهارشنبه کونی آز مقدارده آزیق-اوقت و دارو –درمانلرنینگ ایتیب بارگنینی تصدیق لشگن، اما اکثریتی یاردمنی کورمه گنلیک لرینی ایتشماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.