افغانستان ییر آستی کان لری نینگ ارزشی نی اوچ تریلیون دالر دیب اعلام ایتدی

Image caption افغانستان کانلری نینگ تیکشیریش اوچون بیر مرکز آچیله دی.

افغانستان ییر آستی بای لیک لری نینگ وزیر لیگی گه کوره اوشبو دولت ییر آستی کان لری نینگ ارزشی اوچ تریلیون گه ایته دی. بو ایسه امریکا ایالات لری اداره لریدن بیری نشر ایتگن ساندن اوچ برابر کوپ لیگینی کورسه ته دی.

افغانستان ییر آستی کان لری نینگ وزیری وحید الله شهرانی گه کوره اوشبو دولت ده بیر قطار کتته نفت ذخیره لری ، مس، کومر ، آلتین و باشقه شونگه اوخشش قیمت بها تاش لر کانی موجود بولیب اولر نینگ ارزشی ایسه کوزده توتیلگندن هم کوپراق دیر.

امریکا قوشمه ایالات لری نینگ اداره لریدن بیری آلیب بارگن تیکشیریش لر یگه کوره افغانستان ده گی جمعی ییر آستی بایلیکلری نینگ ارزشی بیر تریلیون دن آرتیق دیر.

افغانستان ییر آستی بای لیکلری نینگ وزیری شهرانی گه کوره اوشبو تیکشیریش لر نتیجه لرینی سقلش اوچون تیز آره ده پایتخت کابل ده بیر مرکز آچیله دی.

شهرانی جناب لریگه کوره افغانستان ییر آستی بای لیک لرینی ایشلب چیقریش اوچون، وقت و مبلغ ضرور دیر .

عین حالده افغانستان ییر آستی کان لری نینگ وزیری، کیله سی اوچ ییلده بو کان لر نینگ بیر قنچه سی خصوصی سیکتور لر گه بیری لیشینی معلوم قیلگن.

افغانستان ییر آستی کان لری نینگ وزیریگه کوره اینگ کتته مس ذخیره لریدن بیری حاجی گک کیله سی اوچ آی مابینده دواطلب لیکگه قوییله دی.

افغان ییر آستی کانلرینی نینگ وزیریگه کوره ، اوشبو ذخیره لردن فایده لنیش و سرمایه قوییش افغانستان خود کفا بولیشیگه و عین حالده خلق ارا تشکیلات لر کورسته یاتگن اقتصادی یاردم لر گه احتیاج قالمیدی.

شهرانی جنابلریگه کوره ، اوشبو برنامه یولگه قویلیشی بیلن ، کیله سی بیش ییل مابینده ، افغانستان نینگ کم بغل بولگن منطقه لری اینگ بای منطقه لرگه ایلنیشی ممکن.

افغانستان ییر آستی کانلر وزیرلیگیده کوره ، ییر آستی بایلیک لری نینگ قنده ی چیقریلیشی شو نینگ دیک قرار داد لرینی نینگ کیمگه بیریلیشی خصوصیده ، بو اولکه ملی شورا سی ، مدنی تشکیلات لر قوشیمچه مطبوعات آرقه لی ، افغانستان خلقی گه معلوم قیلینه دی.