قندهار عملیاتی باشقه عملیات لردیک ایمس

Image caption رسمیلرگه کوره قندهار عملیاتی اوچون اهالی نینگ فکری مثبت جهتده اوزگرتیریشی کیره ک

افغانستان مدافعه وزیرلیگی و آیساف کوچلری ، قندهار ولایتی ده یولگه یویلگن کینگ عملیات گه تیار گرلیک لر دوام تاپیشینی اعلام ایتدی.

قندهار ولایتی، افغانستان نینگ جنوبی ده گی اینگ ناقرار ولایتلردن بیری سنلیب ، سونگی پیتلرده اوشبو ولایتده خوف سیزلیکنی اوته یمانله شیب باریشی اهالی نینگ خواطرلری کوپییشیگه سبب بولماقده.

آیساف کوچلری نینگ سوز چیسی جنرال جوزف بلاتس ، عصیانچیلیکگه قرشی کوره شیب کیله یاتگن خلق ارا کوچلر ، قندهار ولایتیده کینگ بیرعملیات نینگ یولگه قویشینی ریجه لشتریشی و آگست آیی گه چه اوشبو کوچلرنینگ ایککی برابر بولیشی نی اعلام ایتدی.

جوزف بلاتس جنابلری گه کوره ، اوشبو کوچلر نینگ کوپه یشی دن مقصد ، افغانستان ملی کوچ لری نینگ کوچلنتریش همده اصل سعی و حرکت افغانستان جنوبی حدود لریگه قره تیلگن دیر.

مخالف کوچلر، اوتگن ییل هلمند دریا سی نینگ کوپ گینه ساحه لریگه حضور لری باریدی اما حاضر اولر او ییرنی ایگه سی ایمس لر. شونینگ دیک قندهارولایتی ده بوگونکی قیله یاتگن ایش لریمز نی بیلتیر قیلیش گه قادر ایمس ایدیک. جاری ییل نینگ یاز فصلی خشونت لی قوشیمچه بیر قطار قیینچلیک لر بیلن یوز مه یوز کیله دیگن ، بیر فصل دیر. دیب ایتدی ایساف کوچلری نینگ سوز چیسی جنرال جوزف بلاتس.

بو حالتده قرگنده ،افغانستان جمهورریسی حامدکرزی اوتگن ایککی آی جریانی ده قندهار ولایتی گه ایککی مرته سفر قیلیب، خلق رضایتی اساسیده قندهار ولایتیده حربی عملیات یولگه قویلیشی ممکن لیگنی تاکیدلب کیلگن.

شو نینگ دیک ملی مدافعه وزیرلیگی نینگ سوز چیسی ظاهر عظیمی هم ، قندهار ولایتیده یولگه قوییلیشی کوتیله یاتگن عملیات نینگ اوتگن باشقه عملیات لردن کوپ گینه فرقلی دیب ادعا ایتگن.

ایندی شونده ی ایکن ، هرچند افغانستان حکومتی قندهار گه یولگه قویلیشی کوتیله یاتگن عملیات دن مقصد ، اوشبو ولایت گه قیته قوریش برنامه لری نینگ عملی بولیشی ، یخشی حکومت دارچیلیک نی زمینه لرینی یره تیلیشی و مخالف لر نینگ اوشبو ولایت دن چیقریشی نی اورغولماقده بیراق شونده ی بولسه هم ، آخر گی پیت لرده طالبان گروهی تمانیدن قندهار ولایتی نینگ ایریم منطقه لریگه ، عصیانچی لیک هجوم لر عمل گه آشیریلیب کیلماقده.

اوتگن ایککی آی جریانیده ، طالبان تمانیدن ریجه لشتیریلگن عصیان چی لیک فعالیت لر نتیجه سیده یوز کیشی دن آرتیق ، قندهار اهالی سی ، هلاک و یره لنگن.