ایساف کوچلری نینگ اوچوچیسیز اوچاغی هلاکتگه اوچره گن

ایساف کوچلری نینگ اوچو چیسیز بیراوچاغینی بوگون غربی هرات ولایتی نینگ شندند ولسواللگیده هلاکتگه اوچره گنی ایساف کوچلری تمانیدن تصدیق لنگن.

ایساف کوچلری نینگ کابلده بولگن سوزچیلردن بیری دگراوال ای ین بکسته اوشبو اوچاغ تخنیکی عارضه لر طفیلی هلاک بولگنینی معلوم قیلگن.

لیکن اوزینی طالبلر سوزچیسی دیب تانشترگن قاری محمد یوسف اوشبو اوچاغنی طالبلر تمانیدن نشانگه آلنگنی باعث هلاکتگه اوچره گنینی ادعا قیلگن.

باشقه تماندن ایسه شندند ولسواللیگیده موترسایکل گه اورنه تیلگن بیرماین پارتله گن.

رسمیلراوشبو پارتلش، پلیس موتری اوته یاتگن بیر پیت یوز بیرگنینی ایتیب هیچ تلفاتی بولمه گنینی اورغوله گن.

اما طالبان قوراللی لری اوشبو پارتلش طفیلی بیش خارجی عسکر هلاک بولیب چیت اییللیک کوچلرگه عایید بیرنیچه حربی تانکنی هم ویران ایتیلگنینی ادعا قیلگن.

طالبان هجومی

غربی فراه ولایتی دن کیلگن خبرگه کوره طالبان عصیانچیلری اوشبو ولایت نینگ انادره ولسواللگیده سووتوغانینی قوریش بیلن بند بولگن قوروچی بیر شرکت ایشچیلرگه هجوم قیلگن.

رسمیلرنی معلوم قیلیشلریچه طالبان و اوییرده جایلشگن پلیس کوچلری آره سیده یوزبیرگن توقنه شوده هجومچی لردن ایکتته سی هلاک بولیب وباشقه اوچته سی یره لنگن. طالبلر قوراللی لری بوخصوصده قندی بیرمناسبت بیلدرمه گن.

اما طالبلر فراه ولایتی نینگ گلستان ولسوال لگیده خارجی کوچلرنینگ حربی تانکی اولر تمانیدن نشنانگه آلنیب نتیجه ده اوچ چیت اییللیک عسکر نینگ اولگنینی ادعا قیلگن. لیکن طالبلر نینگ بوادعالری حاضرگه چه تصدیق لنمه گن.