ییتی وزیرلیککه نامزد وزیرلر تانشتریلدی.

افغانستان ایچکی ایشلر، تجارت، قاچقینلر، عامه درآمد، ترانسپورت، عدلیه، چیگره و قومللر، عالی تحصیل وزیرلیکلریگه نامزد وزیرلر تانشتریلدی.

افغانستان قوشمه قوراللی کوچلرباشلیغی جنرال بسم الله محمدی ایچکی ایشلروزیرلیگیگه نامزد وزیر صفتیده تانشتریلگن.

بوندن آلدین اقتصاد وزیرلیگیگه نامزد وزیر صتفیده تانشتریلیب ایشانچ رای الیشگه قادربولمه گن انورالحق احدی تجارت و صنعت وزیرلیگیگه نامزد وزیرصفتیده ، همده کانلر وزیرلیگی نینگ اورن باسری انجنیر عبدالقدوس حمیدی عامه درآمد وزیرلیگیگه، جماهیر انوری قاچیقینلر وزیرلیگیگه معرفی ایتیلگن.

مستقل سیلاولر کمیسیون نینگ آلدینگی دارالانشا ریسی داود علی نجفی ترانسپورت وزیرلیگیگه و اسدالله خالد چیگره وقومللروزیرلیگیگه نامزد وزیر صفتیده تانشتریلگن.

خالد جنابلری بوندن آلدین عینی وزیرلیکگه تانشتریلیب اما پارلمان کینگاشی تمانیدن رد ایتیلگن ایدی.

شونینگدیک، عدلیه وزیرلیگی نینگ آلدینکی وزیری سروردانش عالی تحصیل وزیرلگیگه معرفی ایتیلگن.

ایریم ملتلر وکیللری وقتینچه لیک وزیرلر تمانیدن باشقه ریلیب کیلنه یاتگن بیش وزیرلیککه نامزد وزیرلرنی تانشتریلمه گنی پارلمان کینگاشی تمانیدن چیقاریلگن قرارگه قرشی لیگینی ایتدیلر.

پارلمان کینگاش ریسی محمد یونس قانونی شوندی تنقیدلرنینگ توغری دیب اما تانشتریلگن یتتی نامزد وزیرنینگ تحصیلی حجت لری تیکشریلگنیدن سونگ رای بیریش جریانی باشله نیشینی اورغوله دی.

لیکن قانونی جنابلری باشقه قالگن وزیرلیک لرده زودلیک بیلن نامزد وزیرلر تانشتریلیشی شونینگ دیک عمومی ریاست ریس لرینی ایشانچ آلیش اوچون پارلمانگه معرفی ایتیلیشینی حکومت دن طلب قیلدی.

عینی حالده پارلمان کینگاش ریسی پارلمان کینگاشی تمانیدن بوندن تشقری چیقاریلگن قرارلرگه جدی اعتباربیریلیشی ضرور لگینی ایتدی.

پارلمان کینگاشی بوندن قریب بیر آی آلدین اون بیر وزیرلیکلرنی نامزد وزیرلرتمانیدن اداره بولیب کیلنه یاتگنی، قانون نینگ شرح لاوچی کمیسیون اعضالرینی تانشتریلمه گنیگه قرشی لیک بیلدریب جیم لیک اعلان قیلگن ایدی.

شونگه قوشیمچه فوق العاده کمیته سی نینگ باشلیغی افغانستان جمهورریسی نینگ ایکنچی اورن باسری محمد کریم خلیلی نینگ اوشبو اداره تمانیدن صرف لنگن مبلغ خصوصیده ملی کینگاشیگه حساب بیریشی ملت وکیللری نینگ ایستک لریدن بیری ایدی.

پارلمان کینگاشی نینگ ریسی محمد یونس قانونی ملت وکیللری نینگ چیقارگن قرارلریگه هیچ قندی اوزگریش کیلمه یشینی اورغولب حکومت نینگ بوباره ده اعتبار قره تیشینی طلب ایتدی.