یتتی نامزد وزیردن بیش کیشیسی ایشانچ رای آلدیلر

Image caption تانشتریلگن یتتی نامزد وزیردن بیش کیشیسی ایشانچ رای الشیگه قادربولدیلر

سابق افغانستان قوشمه قوشنلر قوماندانی جنرال بسم الله محمدی 150 ایشانچ رای یعنی اکثریت اوز بیلن ایچکی ایشلر وزیری صفتیده پارلمان کینگاشی تمانیدن تصدیق لندی.

ایچکی ایشلر وزیری صفتیده موفقیت قازانگن جناب محمدی اوز برنامه لرینی ایلگری سوریب مخدره ماده لرگه قرشی کوره شیش، اوز باشیمچه لیک قیدروعملیات لرنی الدینی الیش عینی حالده بولیب اوتیش کوتیله یاتگن پارلمانی سیلاو خوف سیزلیگینی تامین لش خصوصیده جدی اعتبار قره تیشینی تاکیدله دی.

شونینگ دیک عامه دارامد وزیرلیگیگه نامزد صفتیده تانشتریلگن عبدالقدوس حمیدی پارلمان کینگاشی نینگ بوکونگی جلسه سیگه حصصه قوشگن 211 ملت وکیللریدن 160 ته سینی ایشانچینی قولگه کیرتیب اکثریت رای بیلن عامه درامد وزیری صتفیده موفقیت قازاندی.

انجنیر عبدالقدوس حمیدی بوندن آلدین کانلر وزیرلیگی نینگ اورن باسری صفتیده وظیفه الیب باررایدی. جناب حمیدی افغانستان بویلب موجود یوللرنی قیته قوریش اینیقسه سالنگن شاه یولینی قوریش اوچون جدی اعتباربیریشینی اورغوله دی .

قاچقینلر وزیرلیگیگه تانشتریلگن جماهیر انوری 140 ایشانچ رای بیلن موفقیت قازاندی.

انوری جنابلری افغان قاچیقنلر وضعیتی نینگ اچینرلی دیب اولر وضعیتینی یخشی لشتریش اوچون ثمره لی برنامه لرنی یولگه قویشینی تاکیدله دی.

تجارت وزیرلیگیگه تانشتریلگن افغانستان مالیه وزیرلیگی نینگ آلدینکی وزیری انورالحق احدی 147 ایشانچ رای بیلن تجارت وزیری صفتیده پارلمان کنیگاشی تمانیدن تصدیق لندی.

عینی حالده چیگره قومللر وزیرلیگیگه معرفی ایتیلگن اسدالله خالدهم اکثریت اواز بیلن ملت وکیللری نینگ تصدیقینی قولگه کیرتدی.

ترانسپورت وزیرلگیگیه تانشتریلگن داود علی نجفی.شونینگدیک عالی تحصیل وزیرلیگیگه نامزد صفتیده تانشتریلگن سروردانش اکثریت رای بیلن پارلمان کینگاشی تمانیدن رد ایتیلدی.

هزاره قومیگه منسوب بولگن بو ایککی کیشی نینگ رد ایتلگنی بیرقطار جنجلرگه سبب بولیب ایریم ملت وکیللری رای بیریش جریانیده قومی مسله لر گه کوپراق اعتبار بیریلگندیب ادعاقیلدیلر.

بواوچینچی مرته دیرکه افغانستان جمهورریسی کابینه اعضاسینی بیتریش اوچون نامزد وزیرلرنینگ پارلمان کینگاشیگه تانشتره دی.

بومرته معرفی ایتیلگن نامزد وزیرلردن ینه ایکته سی هم ایشانچ رای آلیشگه قادربولمه دیلر.

افغانستان پارلمان کنیگاشی بوندن الدین اون بیر وزیرلیک نی وقینچه لیک وزیرلر تمانیدن اداره بولیب کینه یاتگنینی ناتوغری دیب بوخصوصده جدی اعتراض بیلدرگندی.