روی بیرگن ناقرارلیکلرده اهالیدن 16کیشی هلاک بولدی

محلی رسمیلرگه کوره غزنی ولایتیده یول چیککه سیده اورنه تیلگن ماین پارتلش عاقبتیده 8 کیشی عادی اهالی هلاک بولیب و 8 اهالی هم خارجی کوچلرتمانیدن قندهارده آتیب اولدریلگن.

قندهار ولایتی نینگ پلیس باشلیغی محمد زازی نینگ معلوم قیلیشیچه خارجی کوچلر دوشنبه کونی قندهار شهریده کی ایککی اویگه هجوم قیلگن.

زازی گه کوره خارجی کوچلراوشبو اویلرده بولگن کیشی لرنی اوق بیلن نشانگه آلیب نتیجه ده سکیز کیشی عادی اهالی قربان بولگن.

رسمیلرنی معلوم قیلیشلریچه هلاک بولگن لر هلمند وطنداشی بولیب اوشبو ولایتده کی ناقرارلیک لر سبب قندهار ولایتیده کوچیب کیلگن ایکنلر.

ناتوکوچلری قندهار ولایتیده کی عملیات نینگ تصدیق لب اما اوشبو عملیاتده عادی اهالی تلف بولمه گنینی ایتگن.

استنلی مک کریستال نینگ استعفاگه چیقیشی آرتیدن بیرینچی مرته دیرکه خارجی کوچلر تمانیدن یولگه قویلگن عملیاتده عادی اهالی نینگ قربان بولگنی خبربیریلماقده.

افغانستان جمهورریسی حامدکرزی سونگی کونلرده عادی اهالی تلفاتینی آلدینی الیش اوچون استعفاگه چققن مک کریستال تمانیدن عملی بولیب کیلگن یول یوروقلرنینگ دوام تاپشینی امریکا قوشمه ایلتلریدن طلب قیلدی .

عینی حالده غزنی ولایتی نینگ رسمیلریگه کوره مسافر تاشووچی موتر یول چیککه سیده اورنه تیلگن ماین بیلن توقنشگن عاقبتده سکیز کیشی عادی اهالی قربان بولگن.

هلاک بولگنلر آره سیده عیاللر وباله لر هم موجود بولیگی تاکیدلنگن.

رسمی معلومات لرگه کوره عصیانچی گروهلر ، خوف سیزلیک کوچلرینی نشانگه توتیش مقصدی بیلن اوشبو ماین نینگ یول چیککه سیده جایلشترگن ایکن