عصیانچیلر ناتو نینگ شرقده کی قرارگاه سیگه گروهی هجوم اویشتیردی

افغانستانده ناتو حربی قرار گاه لری نیچه مرته حمله آستیگه آلینگن

طالبان گروهی گه باغلیق قوراللی کیشیلر افغانستان شرقی حدودیده ، ناتو نینگ حربی قرار گاهی نی هجوم آستی گه آلدی لر.

ناتو نینگ ایتیشیچه ، ناتو نینگ جلال آباده گی حربی قرار گاهیگه " پاکستان چیگره سیگه یقین منطقه ده " خود کش هجوم چیلر دن نیچه ته سی ، ایساف و ملی اردو کوچلری نینگ مقاومتی گه یوزمه یوز بولیب هلاک بولگن لر.

معلومات لر گه کوره ، هجوم چیلر بیر پارتله ش ماده لر جایلشگن بیر موتر دن فایده لنیب ، ناتو قرار گاهی یقینیگه پارتله تیب اوندن کیین ، آغیر و یینگیل قورال لر بیلن اوشبو حربی قرار گاه نی هجوم آستیگه آلگن لر.

هرچند حاضر گه قدر ، ناتو کوچلری نینگ تلفاتی دن هیچ قنده ی ینگی لیک ترقه تیلمه گن اما ناتو کوچلری نینگ کابلده گی سوز چیلری دن بیری جوزف بلاتس گه کوره ، اوشبو گروهی هجوم گه فقط گینه بیر خارجی و بیر افغان عسکر یرلنگن لر.

بلاتس جنابلری گه کوره ، قوراللی کیشی لر جلال آباد هوا قونالغه سیگه کیریشه آلمه گن لر.

ناتو ، هجوم چیلر هلاک بولگن سانی نینگ 8 کیشی ایتر ایکن بیراق ، طالبان گروهی اوشبو هجوم گه آلتی خود کش هجوم چیلر نینگ قتنه شگنینی ایتگن لر.

جلال آباد ه گی ناتو نینگ حربی قرار گاهی ، قندهار ولایتی و بگرام ده گی حربی قرار گاه لریدن کیین ، افغانستان ده اینگ کتته حربی قرار گاهی حسابلنه دی.

ناتو و اتفاق کوچلری نینگ ینگی قوماندانی جنرال پتریوس ، افغانستان گه توقتنه شو لر کوپه یشی خصوصیده سوز یوروتگنی دن سونگ اوشبو گروهی هجوم یولگه قویلدی.

جنرال پتریوس ایتگن ایدی که قوراللی عصیان چیلر قتیق کوره شیش لری ممکن و حاضر گه قدر اولر اوز مقصد لری یولیده ، ایشانچ بیلن قتیق تاخته گن لر.

جنرال استنلی مک کریستال نینگ جنجلی آخر گی سوز لری دن کیین ، جنرال دیوید پترویوس اونینگ اورنیگه ناتو و اتفاق کوچلری نینگ باش قوماندانی صفتیده یقین زمانده وظیفه آلیب باریشی کوتیله دی.