کندوز ده کی امریکالیک یاردم تشکیلاتیگه قرشی انتحاری هجوملر

کندوز
Image caption یاردم تشکیلاتیگه اویشتیریلگن هجومده بیر ن یچه چیت ایللیک هم هلاک بولگن

افغانستان شمالیده گی کندوز ولایتیده جایلشگن امریکا تمانیدن مالیه لنه دیگن یاردم تشکیلاتیگه قرشی انتحاری هجومی اویشتیریلگن.

هجوملر عاقبتیده کمیده تورت کیشی هلاک بولگن و یینه 20 دن آرتیق کیشی یره لنگن.

ولایت حاکمی محمد عمر نینگ ائیتیشیچه ،" مقابل رواجلنیش" اداره سینی آلتی هجومچی نشانگه الگن.

هلاک بولگن لر نینگ اوچ نفری خارجلیک ایکنلیگی ایئتیله دی . و یینه ایکی افغانستانلیک هم هلاک بولگن. تلفات لر بارله سیده قرمه-قرشی خبر لر موجود.

اداره حویلیسیده اوق آوازلری ایشیتیلگن.

طالبان سوزچیسی بو هجوم اوچون مسئولیتنی اوز ذمه سیگه آلگن.

کندوز حاکمی محمد عمر نینگ بیلدیریشیچه ، بیرینچی انتحاری هجومچی اوزینی آداره گه کیریشده و باشقه سی اداره ایچکریسیده اوزینی پارتلتگن.

کیین ناتو و افغان کوچلری بناء نی اوره ب آلگن.

"مقابل رواجله نیش" یاردم تشکیلاتی اجتماعی و اقتصادی یاردم برنامه لرینی مالیه لیدی. تشکیلات بوندن بیر نیچه آی اول کندوزده فعالیت باشله گن ایدی.

امرکیا حربیلری نینگ افغانستانده گی ینگی حربی جنرال دیود پیترویوس کیله سی آیلر دوامیه ؛ زورانلیکنینگ آرتیشی بیلن آگاه لنتیرگن ایدی.

هر چند ، اساسی حربی محاربه لر ممکلت جنوبیده کیچه یاتگن بولسه هم ، سونگی بیر نیچه ای ایچیده ممکلت شمالیده هم طالبان و باشقه عصینکار گروه لر نینگ فعالشه یاتگنی کوزه تیلماقده .