ژنرال پیتریوس نینگ افغانستانده کی ماموریتی باشلندی

استنلی مک کریستال اورنیده تعین ایتیلگن امریکا نینگ یوقاری مرتبه لی حربیسی افغانستانده فعالیت آلیب باره یاتگن خلق ارا کوچلر مسوولیتینی رسما اوز ضیمه سیگه آلدی.

جناب پیتریوس نینگ عراقده کی زوروانلیک لرنی کمیتریش اوچون بولگن استراتیژیسی آلقیش لرگه سزاوار بولیب عراقده قولگه کیرتگن تجربه لرینی افغانستانده عملی قیلیشی کوتیلماقده .

ژنرال پیتریوس بوند آلدین طالبان قوراللی لرینی خارجی کوچلر بیلن قتیغ توقنه شیشی ممکن لیگینی ایتگن ایدی .

لیکن او، عصیانچیلرگه غلبه قازانیش اوچون افغانستان دولتی وخارجی کوچلرینی یقین همکارلیک بیلن فعالیت قیلیشلری ضرورلیگینی تاکیدله گندی .

ژنرال پیتریوس اوتگن جمعه کونی کابلگه کیلیب، امریکا لیک حربیلری وافغان رسمیلری بیلن اوچره شیب عینی حالده امریکا نینگ کابلده گی ایلچی خانه سیده سوزیورتدی .

" بیزهمه میز ، حربی وحربی بولمه گن ، افغان وخارجی، همه میز بیربولیم بیر تیم صفتیده مشترک ماموریتده میز" دیب ایتگن جناب پیتریوس.

اوشبو مهم ماموریتده همکارلیک، اختیاری بیرمسله ایمس. دیب قوشیمچه قیلگن.

شوندی بولسه هم ژنرال پیتریوس افغانستانده موفقیتلرگه ایرشیشدن آلدین اوشبو اولکه ده زوروانلیک لر ارتیب باریشی بیلن اگاه لنترگن.

امریکا نینگ افغانستانده کی عمومی قوماندانی ستنلی مک کریستال نینگ استعفاگه چیقگنی ارتیدن ژنرال پیتریوس اونینگ اورنیگه افغانستانده فعالیت الیب باره یاتگن خارجی کوچلری نینگ عمومی قوماندانی صفتیده تعین لندی.

افغانستان دولتی آلدینکی قوماندان مک کریستال بیلن یخشی علاقه لری بولیب، عادی اهالی تلفاتینی کمیتریش اوچون بولگن استراتیژیسینی قوللب ثمره لی بولگنینی ایتگندی.

ژنرال پیتریوس هم افغانستانده کی حربی عملیات لرده عادی اهالی نینگ حیاتیگه اهمیت بیریلیشدن آگاه دیر.

شوسبب دن او، عادی اهالی نینگ حیاتینی سقلش اونینگ ایش باشیده تورگنینی ایتیب افغانلرنینگ یوره گینی قازنمه گونگه قدر افغانستانده موفقیت گه ایریشیش قیین لیگینی ایتگن.

لیکن ژنرال پیتریوس قرشیسیده تورگن اینگ مهم ایش قندهار عملیاتی دیه کوره سه تیلماقده. قندهار عملیاتی بیرنیچه آی لردن بویان یولگه قویلیشی ریجه لنگن.

افغانستان جمهورریسی حامدکرزی و ناتو اتفاق کوچلری نینگ آلدینکی قوماندانی مک کریستال تاکیدله شیچه قندهار ولایتی اهالیسی نینگ حمایتینی آلمه گونگه قدر اوشبو ولایت ده هیچ قندی عملیات یولگه قویلمیدی.