جمهوریت حزبی رهبرلری نینگ اوباما قراریگه قرشی بیلدرگن مناسبتی

Image caption میلادی 2011 میلادی ییلگه امریکا کوچلری نینگ افغانستاندن چیقیب کیتیشی باشله نیشی اعلان قیلینگن ایدی

امریکا جمهوریت حزبی نینگ رهبرلری امریکا لیک کوچلری نینگ افغانستاندن چیقیب کیتیشلری اوچون باراک اوباما تمانیدن تعین ایتیلگن زماننی تنقیدلب بو قرار افغانستان شرایط گه ماس آلینیشی کیره ک لیگینی تاکیدله گنلر.

کابلگه سفرقیلگن جمهوریت حزب نینگ رهبرلریدن جان مک کین و لیند زی گراهام ای بی سی و سی بی اس تلویزیون ترماغلری بیلن بولگن صحبتلریده امریکا لیک کوچلری نینگ چیقیب کیتیشلری اوچون تعین ایتیلگن زماننی خطا دیشگن.

عینی حالده اولر، بوقرار طالبان عصیانچیلری والقاعده گروهی نینگ کوچله نیشگه سبب بولیشی ممکن لیگینی اورغوله گنلر.

امریکا جمهورریسی باراک اوباما، میلادی2011 ییلگه امریکا کوچلری نینگ افغانستاندن چیقییشلری باشله نیشینی اعلان قیلگن ایدی .

افغانستان دولتی نینگ امریکاده گی ایلچیسی سید طیب جواد هم سی ان ان ترماغی بیلن بولگن صحبتیده خارجی کوچلر افغانستان شرایط گه ماس چیقیب کیتیشلری ضرورلیگینی تاکیدله گن.

اونگه کوره خارجی کوچلرنینگ چیقیب کیتیشی تعین ایتلگن وقتگه تاکیدلنسه بوموضوع ایسه عصیانچی گروهلرنی غیرت لنتریب اوریش نینگ ازون مدت دوام تارتیشگه سبب بوله دی .

خوب شوندی فکرلر یوزه چیقرایکن، افغانستانده فعالیت آلیب باره یاتگن خارجی کوچلر نینگ عمومی قوماندانی صفتیده ینگیدن تعین ایتبلگن ژنرال پیتریوس توقیز ییلدن بیری دوام ایتب کیله یاتگن اوریشگه غلبه قازانیشینی سوزبیردی.

عینی حالده پیتریوس امریکا لیک کوچلرنینگ افغانستان چیقیب کیتیشلری خصوصیده اعلان ایتیلگن قراردن حمایت بیلدریب، لیکن بوقرار افغانستان نینگ وضعیتی و برقرارلیگیگه باغلیق ایکنینی ایتگندی.

امریکا سنا مجلیسی نینگ قوراللی کوچلر کمیته سی نینگ اعضالریدن جان مکین "اگر طالبلر امریکا کوچلری نینگ انیق بیر زمانده افغانستاندن چیقیب کیتیشلرینی بیلسه لر اولر ، اوشبو زماننی کوتیب قالیشلری ممکن " دیب خواطر بیلدرگن.

همده جمهوریت حزبیدن بولگن امریکا سنامجلیسی نینگ اعضالریدن بیری دانکن گراهام امریکا کوچلری نینگ افغانستاندن زودلیک بیلن چیقیب کیتیشگه قرشی لیک بیلدرگن.

بوندن بیرنیچه ییل آلدین امریکا اردوسی چوکاتیده حربی صفتیده افغانستان وعراقده خذمت قیلگن، دانکن گراهام " امریکا کوچلری نینگ افغانستاندن چیقیب کیتشی اوچون تعین ایتلگن زمان بوتون حربیلر ،ستوان دن توتیب اوچ یولدوز لیک ژنرال ییلکه سیگه آغیرلیک قیله دی " دیب فکر بیلدرگن.

شونینگدیک بیرییل دن سونگ امریکا کوچلری نینگ افغانستاندن چیقیب کیتیشلری ممکن ایمسلیگینی اورغوله گن.