افغانستان جنوب شرقیده اون بیرپاکستانلیک هلاک بولگن

Image caption پکتیا ولایتیده اون بیر پاکستانلیک آتیب اولدریلگن

محلی رسمیلر افغانستان جنوب شرقیده جایلشگن پکتیا ولایتیده ناانیق قوراللی شخص لرتمانیدن اون بیر پاکستان وطنداشی نینگ آتیب اولدریلگنینی ایتگن.

عینی حالده اوشبو حادثه ده ایککی افغان هم یره لنگن.

پکتیا ولایتی نینگ سوزچیسی روح الله سمون گه کوره هلاک بولگن شخصلر پاکستان مملکتی نینگ پاره چنار منطقه سیدن بولیب کابل کیله یاتگن پیتی نشانگه آلینگن.

سمون جنابلرینی معلوم قیلیشچه اولر پکتیا ولایتی نینگ چمکنی منطقه سیده ایتیب کیلیشلری بیلن نا انیق قوراللی شخصلر هجومیگه دوچ کیلگن.

قربان بولگن پاکستانلیک لرنی کابلگه سفرقیلیشدن اساسی مقصد نیمه بولگنی حاضرگه چه اچیق لنمه گن.

باشقه تماندن ناتوکوچلری افغانستان جنوبیده روی بیرگن انتحاری هجومده بیر خارجی عسکرنینگ یره لنگن لگینی تاکیدله گن.

ناتوکوچلری نینگ خبرقیلیشیچه خوست ولایتی نینگ مندوزی منطقه سیده ناتوکاروانی کیته یاتگن بیرپیت کاروان یقینیده انتحاری هجوم روی بیرگن.

اوتگن کون هم ناتوکاروانی افغانستان نینگ شرقیده جایلشگن ننگرهار ولایتیده انتحاری هجوم بیلن نشانگه توتیلگن ایدی.

هرچند چیت ایللیک حربیلر بو هجوم تلفاتی باره سیده هیچ قندی معلومات بیرگن ایمس ایدی ، اما محلی رسمیلر اوشبو هجوم عاقبتیده بیرعادی اهالی هلاک وباشقه توقیز عادی اهالی نینگ یره لنگن لگیدن خبربیرگندی.

شونینگ دیک ناتوکوچلری بیربیانات چقریب اوتگن کون افغانستان نینگ جنوبیده روی بیرگن ایککی پارتلشده اوشبو کوچلرنینگ ایککی عسکری هلاک بولگنینی تصدیق له گن.

اما هلاک بولگن عسکرلر وپارتلشنی قییرده روی بیرگنی باره سیده معلومات بیریلمه گن.