"افغانستانده عادی اهالی تلفاتی کوپیگن"

خارجی و افغان کوچلرنینگ عملیات لر یوزه سیدن کمیده 300 کیشی هلاک بولگن

افغانستان انسان حقلری تشکیلاتی نینگ نظارت و خبر بیریش بولمی تمانیدن ترقه تیلگن حساباتگه کوره ،اوتگن 2009 میلادی ییل نینگ ایلک آلتی آیی بیلن جاری 2010 ییل نینگ ایلک آلتی آی سالشترگنده، بو ییل عادی اهالی تلفاتی 1.3% کوپیگننی کورسته دی.

حساباتته ایتلیشچه، عادی اهالی نینگ 60% اولمیگه افغانستانده گی عصیانچی گروه لر مسئول دیر، بو حساباتده عصیانچیلر عادی اهالی خوف سیزلیگی گه هیچ و یا هم کمدن کم اعتبار بیره یاتگان لیگی تاکیدلنه دی.

افغانستانده یوز بیره یاتگان انتحاری هجوم لر، عادی اهالینی تلف بولیشگه آلیب کیله یاتگان ایکنچی عامل صفتده کوریله دی،سونگی آلتی آی ایچده 127 کیشی عادی اهالی انتحاری هجوملر قربانی بولیشگن

افغانستان انسان حلقری تشکیلاتی حساباتیده ایتلیشچه، اتفاق کوچلری اوز حربی عملیات لریده هوایی هجوملردن فایده لنیش نی چیکله گن لیک لری اوچون اوتگن ییل گه نسبتا بو ییل، بو کبی هجوملرده قربان بوله یاتگان عادی اهالی سانی آزلگن.

افغان وخارجی کوچلرباعث تلفات

هرچند حساباتده ذکر ایتلیشچه، سونگی آلتی آی ایچده 200دن آرتیق راق عادی اهالی خارجی حربی لر تمانیدن هلاکتگه اوچره گن.

شونینگ دیک حسابات ده 100 دن آرتیق راق عادی اهالی افغانستان خوف سیزلیک کوچلری تمانیدن هلاک ایتلگن لیگی هم ذکر ایتلگن.

افغانستان انسان حقلری تشکیلاتی نینگ نظارت و خبر بیرش بولمی سوزچی سی ، اکمل دوای، بو حسابات تیکشرو لر اساسیده تیارلنگنینی ایتگن.

"ابیز بو حسابات نی تیارلشده تورلی اصوللردن فایده لندیک، مثلا کوپلب ولایت لرده بیزنی همکارلرمیز بولیشگن اولر ، اوشه منطقه ده یوز بیره یاتگان حادثه لرنی بیزگه خبر بیرشردی، بیز ایسه اولردن کیله یاتگان معلومات لرنی کابلده تیکشرب دولت رسمیلریدن سورردیک شونینگ دیک بیز بو خبرلرنی انیق بولیشی اوچون اوشه ولایت نینگ مسوللری بیلن هم صحبت لشردیک. بیز افغانستان ده گی ایرم نادولت تشکیلات لر و ولایتی کینگاشلر و افغانستان ایچکی ایشلر وزیرلیگی بیره یاتگان معلومات گه اساس له نیب بو حسابات نی تیارله گن میز دیدی، " داوی جنابلری .

افغانستان انسان حلقری تشکلایتی نینگ حساباتیده، افغانستانده دوام ایته یاتگان اوروشلرنینگ سلبی عاقبت لریگه هم نظر تشلنگن.

حساباتده ایتلیشچه، خصوصا افغانستان نینگ ناتینچ ولایت لریده عادی اهالی، ساغلیک ، معارف و انسان پرورلیک یاردم لریدن محروم بولیشگن.

اوشبو تشکیلات ، یول یانیده اورنه تیله یاتگان ماین لر کوپلب انسانلرنی یره له نیشی و هلاکت لریگه سبب بوله یاتگان لیگی اوچون عصیانچیلر ، افغانستان حکومتی و خارجی حربیلردن بو کبی پارتلوچی ماده لردن قولنمس لیک لرینی طلب قیله دی.

افغانستان انسان حقلرینی سقلش تشکیلاتی، افغانستان حکومتی و خلقرا هم جمعیت دن اوروش لر سبب لی ضربه کوره یاتگان عادی اهالیگه یاردم بیرلیشی و بیرلشگن ملت لر تشکیلاتیدن، افغانستان نینگ ناتینچ منطقه لریده اوز انسان پرولیک یاردم لرینی قیته باشلش لرینی سوریدی.

حسابات سونگیده، افغانستان انسان حقلری تشکیلاتی نینگ نظارت و خبر بیریش بولمی یا آرم، خصوصا پاکستان و ایران دولت لریدن افغانستان ده گی عصیانچیلرگه باش پناه و یاردم بیرمس لیک لری شونینگ دیک اولرنی اوز مقصدلری اوچون افغانستانده فایده لنمسلیک لری کیرک لیگی نی سوریدی.