یول چیککه سیده جایلشتریلگن ماین پارتلشلر کوپلب تلفات قالدرماقده

افغانستان مدافعه وزیرلیگی یوزبیریب کیله یاتگن ناقرارلیک لرده قربان بولگن عادی اهالی وافغان کوچلری نینگ سکسن فایزی یول یقه سیده اورنه تیلگن ماینلر طفیلی دیب معلوم قیلدی.

اوشبو وزیرلیک رسمیلری شوندی فعالیت لرنی آلدینی آلیش اوچون انیق چاره تدبیرلرنی یولگه قویلگنینی تاکیدله گن.

عینی حالده افغانستان مدافعه وزیرلیگی یول یقه سیده اورنه تیلگن ماینلرنی بیکار قیلیش اوچون امریکا دولتی اوچ ملیارد ارزشلیک اسباب اسکونه زره نقلیات لرنینگ افغان حربیلریگه بیریشنی سوزبیرگنینی ایتدی.

افغانستان مدافعه وزیرلیگی نینگ ایتیشیچه،بوندن اوچ ییل آلدین عصیانچیلر اوریشلردوریدن قالگن.پارتلاوچی ماده لردن قوله نرایکن، لیکن اولرگه کوره اوشبوفعالیت نینگ الدینی الیش اوچون یولگه قویلگن چاره تدبیرلرباعث طالبان عصیانچیلری پارتلاوچی ماده تیارلش اوچون سکسن فایز امونیم نایتریت تور کیمیاوی اوغوت دن قوله نیب کیلماقده.

افغانستان مدافعه وزیرلیگی نینگ فوق العاده اداره سی نینگ پلان لشتریش بولیمی نینگ اورن باسری برید جنرال محمد شفیع بهیر یول یقه سیده ماین اورنه تیش کوپیگنینی اورغولب بومعمانی آلدینی آلیش اوچون جدی اعتبار بیریلیشینی معلوم قیلدی.

اونگه کوره ییرلشتریلگن ماینلرنی بیکار قیلیش اوچون فعالیت الیب باره یاتگن افغان حربیلرنی زمانه وی اسباب اسکونه و زره نقلیات واسطه لر بیلن جهازله نیشی اینابتگه آلینگن

همده مسلکی انجنیر لرنینگ ظرفیتینی یوقاری الیب کیتشی اوچون مزارشریفده مسلکی بیرمکتب هم ایجاد ایتلگن.

شونینگ دیک بهیر جنابلری پارتلاوچی ماده تیارلش اوچون قوله نیب کیلنه یاتگن کیمیاوی اوغوت نینگ منع ایتلگنی یولگه قویلگن چاره تدبیرلرنینگ بیرقمسی دیه اورغوله دی.

افغانستان ده فعالیت آلیب باره یاتگن خارجی کوچلراوچون جاری میلادی ییل معمالی بیرییل بولیب نه فقط خارجی کوچلر بلکه افغانستان عادی اهالیسی هم یول یقه سیده اورنه تیلگن ماین پارتلش لر طفیلی کوپلب تلفات کورگنی ایتیله دی.

سونگی پیتلرده عصیانچی گروهلر موافق لشتریلگن هجوملریانیده یول یقه سیده اورنه تیلگن ماینلردن فایده لنیب افغان وخارجی کوچلری نینگ حربی فعالیتلرینی بیراز قینلشترگن.

شوباعث افغانستان مدافعه وزیرلیگی، دنیاهم جمعیت مملکت لری نینگ همکارلیگی بیلن عصیانچیلرنینگ شوندی فعالیت لرینی آلدینی آلیش اوچون جدی اعتبارقره تیلشینی تاکیدله ماقده.