قاچوو ده کی افغان عسکری اوچون قیدیرو و امریکالیک کوچلر تلفاتی

افغانستانده کی بریتانیالیک کوچلر

افغانستان ده افغان و خلق ارا کوچلر ، کونی کیچه هلمند ولایتیده اوچ بریتانیالیک عسکر نی آتیب اولدیرگن افغان عسکرینی قیدیرماقده

اوشبو قیدیروو عملیاتیده مخصوص کوچلردن هم فایده لنگن. ایریم خبر لر بریتانیالیک عسکرلرنی آتیب اولدیرگن ملی اردو عسکری نینگ طالبان گه قوشیلگن لیگنی ایئتماقده .

هلمند ولایتیده اوچته بریتانیالیک عسکرنی هلاک ایتگن شخصنی توتیش بوییچه ییریک عملیات اوتکزیلماقده.

ناتو نینگ ائیتیشیچه ، قاتل و اوتگه یاردم بیرنلرنی تاپیش اوچون قولیده بار برچه امکانیتلرنی یولگه سالماقده. طالبان حرکتی ایسه اوچ بریتانیالیک عسکرنی هلاک ایتگن شخصگه پناه بیرگنینی ائیتماقده .

افغانستان مدافعه وزیرلیگی نینگ جنرال ظاهر عظیمی یاغی عسکر نی تاپیش اوچون ، محلی و خارجی مخصوص کوچلردن فایده لنه یاتگنینی ائیتگن.

بریتانیا مدافعه وزیری لئیام فاکس بریتانیا عسکرلری نینگ افغانستان ملی اردو عسکری تمانیدن اولدیریشی "قورقاقلیک عملی " ایکنینی ، بیراق بو افغان خوفسیزلیک کوچلرینی تیارگرلیکلردن اوتکزیش استراتیژیسینی ایزدن چیقره آلمسلیگنی بیلدیردی.

عینی دمده افغانستان مدافعه وزیرلیگی نینگ سوزچی سی جنرال ظاهر عظیمی افغانستان ملی اردو سیگه عسکرلرنی سره لش جریانی یخشیله نیشی ضرولیگنی ایئتگن.

کونی کیچه مذکور حادثه بوییچه افغانستان جمهور رئیسی حامد کرزی برتانیا دن کیچیریم سوره ب ، بو توغریده تولیق تیکشیروو آلیب باریلیشیگه بویروق بیردی.

امریکالیک کوچلر تلفاتی

افغانستان جنوبیده کی ایککی ایری حادثه ده بیش امریکا عسکری هلاک بولگن. بو ایسه اوتکن 24 ساعت مابینیده امریکالیک عسکر لر تلفاتینی 11 کیشیگه ایتکیزدی.

خلق ارا تینچیلیک نی سقلش (آیساف) گه تیگیشلی بولگن تورت عسکر ممکلت جنوبیده کی بامب پارتلشی عاقبتیده هلاک بولگن.

یینه بیر ارمیکالیک عسکر ایسه یینه ممکلت جنوبیده ایری بیر هجوم ده هلاک بولگن.

جاری جولای آییده حاضر گه چه 45 نفر خلق ارا کوچلر افغانستان ده اولگن، اولر دن 33 نفری امریکالیک بولگن. اوتکن جون آییده ایسه 100 دن ارتیق خلق ارا کوچلر افغانستان ده هلاک بولیب جون آیی افغانستانده کی اینگ قانلی ای دیب ایتلدی.

بوگونکی هجوم کونی کیچه ف 3 نفر ارمکیالیک عسکر ف قندهار ولایتده هلاک بولیشی ارتیده یوز بیرماقده .

قندهار پلیس مرکزیگه هجوم

سه شنبه کونی (13 جولای) کیچقرون عصیانچیلر یینه بیر حمله نی عملگه آشیرگن لر .

افغانستان جنوبیده کی طالبان تاینچ نقطه سی بولگن قندهار شهریده گی پلیس باش قرارگاهی تشقریسیده تورگن موتر نینگ طالبان قوراللیلری تمانیدن پارتلتیشی عاقبتیده اوچ امریکا لیک عسکر و بیش افغانستانلیک هلاک بولگن.

مذکور حمله ده امریکالیک کوچلر نینگ موتری پلیس قرارگاه سیگه کیره یاتکنیده طالبان قول بابه لر ، راکت آتوچی قوراللر و ماشیندارلر بیلن هجوم اویشتیرگن لر.

ناتو کوچلریگه کوره ، خارجی و افغان کوچلری ، عصیانچیلرنی ارقه گه قوییب اولگیرگن لر و عصیانمچیلر پلیس قارگاه سیگه کیریشگه موفق بوله المه گن.

هلاک بولگن افغانستانلیکلر نینگ امریکا لیک کوچلرنینگ ترجمان لری بولگن لیگی معلوم قیلینگن.

طالبان گروهی هجوم مسئولیتینی بویینلریگه الیشگن.

سونگی پیتلرده ، خلق ارا کوچلر افغانستانده کی خوفسیزلیک مسئولیتینی افغان کوچلریگه تاپشیریش ریجه سینی تیزلشتیریش مقصدی بیلن ، کوپراق افغانستانلیک کوچلر بیلن بیرگه لیکده فعالیت آلیب بارماقده .