طالبان قوماندانلریگه قرشی عملیاتلر

Image caption ناتو رهبریتی آستیده بولگن خارجی کوچلر،اساسی اعتبارلرینی طالبان عصیانکارلرنینگ مهم رهبرلرینی مملکت جنوبیده نابود قیلیشگه قره تگنینی معلوم قیلگنلر.

افغانستانده گی خلق آرا کوچلرنینگ ایتیشلریچه مملکت جنوب و شرقیده روی بیرگن بیر قطار پارتلش لر نتیجه سیده تورت خارجی عسکر هلاک بولگن.

شمالی اتفاق ، ناتو، کوچلری تمانیدن ترقه تیلگن بیاناتده کیلیشچه جنوب و شرق ده شنبه کونی روی بیرگن پارتلشده عینی کوچلرنینگ ایککی عسکری قربان بولگن.

بوندن بیرنیچه ساعت اول بو کوچلر باشقه ایککی عسکر نینگ هم افغانستانده هلاک بولگنیدن خبر بیرگنلر.

بو عسکرلر هم بمب پارتلشی عاقبتده پنچ شنبه کونی قربان بولشگن.

ناتو هلاک بولگن عسکرلرنینگ کیملیکلرینی آشکار ایتمه گن.

افغانستانده گی عصیانکارلر سونگی وقت لرده اوز هجوم لریده کوپراق قول بیلن توزه تیلگن بمب لردن فایده لنیب کیلماقده .

خارجی کوچلرنینگ اکثریتی بو کبی بمب لرگه دوچ کیلیشی عاقبتده هلاک بولماقده.

عصیانکارلررهبرلریگه قرشی هجوم

عینی دمده ناتو رهبریتی آستیده بولگن خارجی کوچلر،اساسی اعتبارلرینی طالبان عصیانکارلرنینگ مهم رهبرلرینی مملکت جنوبیده نابود قیلیشگه قره تگنینی معلوم قیلگنلر.

ترقه تیلگن بیاناتگه کوره 9-16 جولای آره سیده یولگه قوییلگن بیرقطار حربی عملیاتلرنتیجه سیده اونلب عصیانکارهلاک بولیب یوزلب کیشی ایسه یاره لنگن.

ناتوگه کوره یولگه قوییلگن عملیاتدن دن اساسی مقصد ، افغانلر و خارجی کوچلرگه قرشی هجوم قیله یاتگن طالبان عصیانکارلرنینگ اساسی رهبرلرینی نشانگه آلیش بولگن.

ناتوگه کوره عصیانکارلر قوماندانلریگه قرشی مملکت شمالی ، شرقی و باشقه منطقه لریده اوتگن بیر هفته مابینیده 40 دن آرتیق عملیات یولگه قوییلگن.