امریکا نینگ پاکستانگه ینگی یاردم لایحه سی

هیلری کیلنتون و رضا گیلیانی

امریکا قوشمه ایالتلری دولت کاتبه سی هیلری کیلینتون پاکستان 500 میلیون دالر لیک ینگی یاردم لایحه سینی اشکار ایتگن

.اسلام اباد گه بولگن سفریده خانم کیلنتون اوشبو یاردم لر بیلن امریکا دولتی فقط عصیانچیلرگ هقرشی کورشده پاکستا نی حمایت ایتمیدی ؛ بلکه عادی پاکستان لیکلر حقیده هم اویله یاتکنلیگنی کورستماقچی

اوشبو یاردم وعده لری افغانستان پایتختی کابل ده بوله جک خلق ارا کابل کنفرانسی عرفه سیده اعلان قیلینماقده

امریکا کانگریسی تمانیدن تصدیقلنگن یاردم لر ، کیله جک بیش ییل مابینیده 7.5 میلیارد دالرلیک یاردم لایحه سیدن عبارت بولیب اولر اره سیده

اولرنینگ آره سیده پاکستان گه سو قوتی اساسیده ایشلیدیگن ایککیته توغان قوریب بیریش ریجه سی هم بار.

بولرنینگ برچه سی اوتگن ییلی امریکا کانگریسی پاکستان اوچون اجرتگن ملیارد لب دالر مبلغ حسابیدن قیلینه دی .

خانم کلینتون نینگ بی بی سی بیلن بولگن صحبتیده ائیتیشیچه ، امرکیا و پاکستان اره سیده گی ایشانچ اوزه را کوچه ییب بارماقده .

Image caption پاکستان و افغانستان آره سیده کی سودا بیتیمی ایککی ممکلت سودا وزیرلری آره لریده امضا لندی

هیلری کلینتون بی بی سی بیلن صحبتده ایککی ممکلت اورت هسیده گی ایشانچسیزلیکنی اریتیش ضرورتی حقیده گپیرگن بولسه ده ، هلی قیلینیشی کیرک بولگن مسئله لر قاله یاتکنینی ایئتدی.

اولردن بیری پاکستان حکومتی نینگ عصیانچیلرگه قرشی عملیاتلرینی دوام ایتیریشیگه امین بولیشی ایسه ، ایککینچیسی پاکستان خلقی ایشانچینی قازانیش دیر.

امریکا دولت کاتبه سی اسلام اباد گه آدم لر حیاتیگه توغریدن- توغری تاثیر قیله دیگن لایحه لر بیلن پاکستان اهالیسی کونگیلینی آلیش اوچونتشریف بویورگن.

اوشبو یاردملر قوشمه ایالتلر کانگریسی تمانیدن اوتگن ییلی تصدیقلنگن 7 میلیارد دالرگه برابر بیش ییلیک ریجه نینگ بیر قسمی دیر.

پاکستان اهالی سینینگ بار-یاغی 17 % قوشمه ایالتلر حقیده ایجابی فکرگه ایگه. بو بوتون دنیا ممکلتلری آره سیده اینگ پست کورستکیچ دیر.

خانم کیلینتون ایسه ، اسلام آباد ده کی اوچره شوو لریدن سونگ ف کابلده بوله دیگن خلق ارا کنفرانسگه قتنشه شیش اوچون افغانستانگه بارگن.

پاکستان تشقی ایشلر وزیری شاه محمود قریشی ایسه ایککی مملکت مناسبتلری یخشیلنگنینی و اولر بیر-بیرلریگه یقینراق بولیشگنینی معلوم قیلگن.

اوتکن یکشنبه کونی ، خانم کیلینتون واسطه چیلیگی بیلن ، افغانستان و پاکستان دولتلری مهم سودا بیتیمینی امضا له دیلر. مذکور بیتیم اساسیده ، افغانستانلیک یوک تاشوچی موترلر ف پاکستان توپراقیدن اوتیب اوز ماللرینی هندوستانگه آلیب باریشلری ممکن.

کابلده کی بی بی سی مخبریگه کوره ،پاکستان ده کی پناه گاه لری داخل کون سایین ارتیب باره یاتکن طالبان معما سی نی برطرف ایتیش اوچون ف منطقوی همکارلیکلر رواجله نیشیگه احتیاج بارلیگینی برچه تمانلر یخشی توشینیب ایتگنلر .