کابلده افغانستان کیله جگیگه بغشلنگن انجمن اوتماقده

Image caption کرزی جنابلری حاضرگه قدر افغانستان یخشی باشقرونی یولگه قویه آلمه گنینی تن

کابلده اوته یاتگن خلق آرا انجمن نی آچیب بیرگن افغانستان جمهور رئیسی حامد کرزی 2014 ییلیگه قدر مملکت خوف سیزلیگی گه مسئولیتنی افغان قوشونلریگه تاپشریشگه عاید چقریقنی تکرارله گن.

کرزی جنابلری حاضرگه قدر افغانستان یخشی باشقرونی یولگه قویه آلمه گنینی تن آلگن و افغانستان همده اتفاقچیلر قرشیسیده "عمومی وحشی دشمن" تورگنینی قوشیمچه قیلگن.

عینی پیتده او افغان قوشونلری جاری ییل آخرلریده ایریم منطقه لر خوف سیزلیک نظارتنی قولگه آلیشلری ممکن لیگنی ایتگن .

اوز قوشونلرینی افغانستاندن 2015 ییلیگه باریب چیقریب آلیش احتمالی حقیده گپره یاتگن بریتانیا اوشبو چقریقنی خوش قرشی آلگن.

افغانستان کیله جگیگه بغشله ب اوتکزله یاتگن کابل انجمنیده دنیا نینگ 70 دن آرتیق دولتلریدن وکیللر اشتراک ایتیشیپتی.

اشتراکچیلر کیله سی بیش ییل جریانیده افغانستان خوف سیزلیگی مسئولتنی بریتانیا و باشقه خارجی کوچلردن آلیب افغان قوشونلریگه تاپشریش ریجه لری داخل قطار مساله لر مباحه قیلشماقده.

امریکا و اونینگ اتفاقچیلری کرزی جنابلری مملکتده گی اداری فساد معما سینی برطرف ایتیش و یخشی باشقرونی یول قویشگه قطی ایشانتریشنی استشه دی .

اوز اورنیده جمهور رئیس حامد کرزی خصوصی خوف سیزلیک شرکتلرنی افغانستانده گی اداری فساد و بی قرارلیککه مسئول بوله یاتگن لیکده عیبله گن .

"مذکورقره ش انجمن نینگ کوپلب اشتراکچی لرینی حیرتگه سالیشنی ممکن"،دیدی کابل ده گی مخبر میز.

بو افغانستانگه بغشله گن توقیزینچی خلق آرا یغین بولیب، اونده هم خوف سیزلیک ،اداری فساد، باشقرو،ترقیات و ملی یره شو کبی جوده اوخشش موضوعلرمباحثه ایتلماقده.

بریتانیا ،امریکا ،بیرلشگن مللت لر تشکیلاتی، ناتو و باشقه اونلب دولتلر مذکور مساله لرده کوپراق ایلگری لشگه چقریشه دی .

"بیراق،بونینگ اوچون طالبان مغلوب ایتیلیشی و یا کمیده اهمیت سیز کوچگه ایلنیشی کیرک، بیراق هلی بولرعملگه آشه یاتگنیگه عاید بیران –بیر علامت کوزگه تشلنمیدی"،دیدی بی بی سی مخبری

یکشنبه کونی تونده پایتخت کابل راکتلر بیلن نشانگه آلنگن و بعضی انجمن اشتراک چیلری اوز اوچاقلرینی حربی قرارگاه گه قره ب باریشلریگه مجبور بولیشگندی.مذکورحالتده ایسه ، مملکت خوف سیزلیک وضعیتی ایشانچلی ایمسلیگنی اورغولیدی.