ناتو عملیاتیده اونلب عادی اهالی قربان بولگن

Image caption افغان حکومتیگه کوره ناتوکوچلری نینگ هملنده کی سونگی عملیاتیده 52 عادی اهالی قربان بولگن

افغان رسمیلری ناتوچلری تمانیدن یولگه قویلگن حربی عملیاتده اونلب عادی اهالی نینگ تلف بولگنینی تصدیق له گن لیکن ناتوکوچلری عادی اهالی تلفاتی نینگ رد ایتیب چققن.

افغانستان جمهورریسی حامدکرزی جمعه کونی ناتوکوچلری تمانیدن یولگه قویلگن حربی عملیاتده اینگ از عادی اهالیدن 52 کیشی تلف بولگنینی تصدیق له گن.

هلمند ولایتی نینگ سنگین ولسواللگیده کی ریگی ناملی قشلاغی عملیات جریانیده ناتو تمانیدن راکت اوقی بیلن نشانگه توتیلگنی باعث عادی اهالی قربان بولگنی ایتیلماقده

ناتوکوچلری اوشبو منطقه نی عصیانچیلر مرکزی اتب هجوم استیگه آلگن لیکلرینی تاکیدلشگن.

ریاست جمهور لیک سرای تمانیدن چیقاریلگن بیاناتده ایسه قربان بولگنلر آره سیده باله لر وعیاللر هم بارلیگی معلوم قیلینگن.

کرزی جنابلری اوشبو هجوم نینگ قیتغ قاره لب قبول قیلینرلی بیر عمل ایمس لیگینی اورغوله گن.

هرچند ناتو کوچلری ریگی ناملی منطقه ده حربی عملیات یولگه قویلگنلیگینی ایتگن، اما اهالی تلفاتینی تصدیق له مه گندیر.

ناتوتمانیدن چیقاریگن بیاناتده، حربی عملیات ریگی منطقه سی نینگ اون کیلومتر اوزاق لیگیده عصیانچی گروه لرنینگ یوق ایتش اوچون عملگه اشریلگنی تاکیدلنیب انیق ، عصیانچیلر نشانگه الینگندیب یازیلگن.

همده اوشبو عملیاتده طالبان نینگ قوماندانلریدن بیری قوشیمچه التی عصیانچی هلاک بولگنی ایتیلگن.

شوندی بولسه هم ناتوکوچلری افغان دولتی بیلن بیرگه اوشبو موضوع نی انیق لش اوچون قوشمه تحقیقات الیب باریشلرینی تاکیدله گنلر.

ژنرال پیتریوس، افغانستاانده کی خا رجی کوچلرنینگ عمومی قوماندانی صفتیده تعین ایتیلیشی بیلن عصیانچیلرگه قرشی یولگه قویلگن عملیات لرده عا دی اهالی تلفاتینی آلدینی الیش اوچون جدی اعتبار قره تیلشینی سوزبیرگندی.