پاکستانلیک اوچاق 150 یؤلاوچی بیلن قولب توشگن

اوچاق قولب  توشگن مارگله اورمانزاری

پاکستان پایتختی اسلام آباد یقینلریده 150 دن آرتیق یولاوچیسی بولگن اوچاق قولب توشگن. هلاکتده اوچاقده کی یولاوچیلردن هیچ کیم آمان قالمه گن.

حادثه شاهد لریگه کوره ، یامغیرلی و قویوغ تومنلی هوا ده اسلام اباده کی بینظیر بوتو خلق ارا هوا قونلغه سیگه قونشگه حرکت قیلگن اوچاق قولب توشیشی بیلناق یانه باشله گن.

قوتقروچیلر کوییب کیتگن ارباس 321 اوچاغیدن جسدلرنی آلیشگن.

پاکستان لیک ایربلو خصوصی هوایی شرکت گه تیگیشلی بولگن ایرباس اوچاغی ، کراچیدن اسلام آباد گه اوچه یاتکن بولگن.

اسلام آباد نینگ باش کسلخانه سی یانیده اوچاق ده کی یولاوچیلر قرینداشلری ییغیلگن. لیکن اولرگه اوچاقده هیچ کیم آمان قالمه گنلیگی معلوم قیلینگن.

پایتخت گه قره گن مارگله تاغ یانیده قیدیروو ایشلری دوام ایتماقده .

قوتقرو جوده قیین کیچه یاتکن لیگی ایئتیلگن. اوچاق قوله گن جای جوده تیک تاغده و یییرگه چیقه دیگن یول یوق.

تیک اوچرلر ایسه آسماننی قاپله گن قویوق تومن و یانگن طیاره دن چیققن توتون ایچیده هلاکت جاییگه آسانلیک بیلن باریش ممکن ایمس.

Image caption قربانلر نینگ قرینداشلری ایربلو شرکتی نینگ اوچاقلری بیلن اسلام اباد گه کیلتیریلگن

پاکستان لیک خصوصی شرکت بولمیش ایربلو نینگ 321 ایرباس اوچاغی بینظیر بوتو خلق ارا هوا قونلغه سیگه قونشگه حرکت قیله یاتکنیده ، اوچوچی بیلن باشقروو مرکزی اورته سیده کی رابطه اوزیلگن و گواه لرگه کوره ، اوچاق ییردن پس بیر آره لیق بیلن شهر تیپه سیدن اوتیب مارگله منطقه سیده کی اورمانزارگه باریب قولب توشگن.

ایربلو شرکتی ، قربانلر جسدلرینی آلیش اوچون ؛ اولر نینگ قرینداشلرینی مخصوص اوچاقلرده اسلام آبادگه کیلتیرماقده .

اسلامی عنعنه لر بوییچه میتنی تیزده دفن قیلیش کیرک . کون بویی مملکت عزا توتگن.

اما نی سبب اوچاق قوله دی دیگن سوال همان نامعلوم قالماقده .

شو نینگ دیک موسمی یامغیرلر کوپ بولگن بیر پیتده اصلیده پرواز گه رخصت بیریلگنی توغریمیدی دیگن سواللر هم اورته گه چیقماقده .

اوچاق قاره قوطیسی تاپیلگن و ایندیلیکده هلاکت سببلری انیقله نیشیگه امیدلر بار.