"غرب پاکستانگه قرشی چاره آلیشی کیرک"

Image caption حامد کرزی امریکا حربی لریگه عاید محرم دوسیه لرنینگ ویکی لیکس ویب صحیفه سیگه چیقیشی افغانلر حیاتینی خوف استیده قویشدن خواطر اظهار ایتدی.

افغانستان جمهورریسی حامدکرزی ویکی لیکس ویب صحیفه سیده چاپ ایتیلگن حجتلرگه قندی بیرینگی لیک بولسه افغانستان حکومتی نینگ مناسبت بیلدریشنی تاکیدله دی.

کرزی جنابلری بومناسبت بیلن کابلده اوتکزگن مطبوعات انجمنیده فاش ایتیلگن یاشرینج حجتلرنینگ ایریمینی ینگی لیگی بولمه گندیب، شوندی حجتلر باره سیده افغانستانلیکلرنی الدیندن اگاه ایکنینی ایتدی.

عینی حالده جمهورریس کرزی فاش ایتیلگن حجتلرنینگ افغانستان حکومتی تمانیدن تیکشریلیب کیله یاتگنینی اورغولب اوشبو حجتلرگه ماس تروریزمگه قرشی کوره شیش برنامه لریگه اوزگریش کیلتریشگه نیاز تاپیلسه اوشبو اوزگریشنی افغانستان دولتی تمانیدن طلب قیلنیشینی تاکیدله دی.

همده حجتلرکوریب چیقلیب ینگیلیکلر بیلن بیرگه بولسه افغانستان ، امریکا قوشمه ایلتلری وقوشنی اولکه لر اوشبو حجتلردن قولگه کیرتیلگن نتیجه لر اساسیده ، کیله جک برنامه لری اوچون درس آلیش گه توغری کیله دی دیب سوزیورتدی.

اگر بو حجتلر قضیه لرنی اچیق لب تروریزمگه قرشی تیزم نینگ اوزگرتریشگه سبب بولسه اوشبو روش نینگ اوزگریشی، نه فقط تروریزمگه غلبه قازانیش بلکه افغانستان اهالی سی نینگ جانی ومالینی سقله شگه ثمره لی بولسه بوایسه بیزلر اوچون اوته مهم دیرافغانستان بونگه جدی اعتبار بیره دی" دیب ایتدی حامد کرزی.

افغانلر حیاتی خوف آستیده

حامد کرزی امریکا حربی لریگه عاید محرم دوسیه لرنینگ ویکی لیکس ویب صحیفه سیگه چیقیشی افغانلر حیاتینی خوف استیده قویشدن خواطر اظهار ایتدی.

چاپ بولگن محرم دوسیه لرده ، خارجی لرگه یاردم و معلومات بیره یاتگن یوزلب افغان لرنینگ اسم لری هم ذکر ایتیلگن . کرزی افغانلرنینگ اسم لرینی چاپ ایتلیشی مسولیت سیزلیک دیب تاکیدله دی.

شونینگدیک کرزی جنابلری تروریست لرنینگ اصلی مرکزی افغانستانده ایمس بلکه افغانستان تشقریسیده دیب، بوموضوع نی بیرنیچه ییلدن بیری تاکیدلب کیلگنینی اورغوله دی .

عینی حالده کرزی جنابلری تروریست لرنینگ باش پناه لرینی یوق ایتیش اوچون دنیاهم جمعیت مملکتلری نینگ جدی اعتبار قره تمه گنیگه عیبلب چیقدی.

افغانستانده گی اوروشنینگ شو وقتگه چه آشکار ایتیلمه گن تفصیلاتی قید ایتیلگن 90 مینگ رسمی حجتلر "ویکی لیکس " وب صحیفه سی تمانیدن عامه اعتباریگه حواله ایتیلدی اوشبو یشیرین حجتلر عادی اهالی نینگ اتفاق کوچلری تمانیدن هلاک بولیشی ، پاکستان استخبارت خذمتی نینگ قنده ی طالبان عصیانچیلیگینی حمایه قیلیشی و عصیانکارلر نینگ نیقدر کوچلی ایکن لیگی حقیده معلومات بیره دی