بیش نفر طالبان اعضا سینینگ اسملری قاره رویخطدن آلیب تشلندی

عبدالسلام ضعیف
Image caption عبدالسلام ضعیف طالبان حکومتی اغدریلیشی آرتیدن انچه مدتنی گوانتانامو قماقخانه سیده هم اوتکزگن ایدی

طالبان گورهی ننیگ بیش نفر اعضاسی نینگ نامی بیرلشگن ملتلر خوفسیزلیک کینگشی نینگ قاره رویخطیدن آلیب تشلنگن.

اوشبو رویخیطدن آلیب تشلنگن لر طالبلر نینگ بیرلشگن ملتلر تشکیلاتی ده کی وکیلی عبدالحکیم مجاهد ،طالبلر نینگ پاکستانده کی ایلچسی و"میننیگ طالبان بیلن حیاتیم"ناملی کتاب مؤلفی عبدالسلام ضعیف موجود. طالبان استخبارات اداره سی نینگ رئیسی و ایچکی ایشلر وزیری نینگ اورینباسری عبدالصمد خاکسار ، عامه ساغلیک وزیرلیگی نینگ اورینباسری عبدالستار پاکطین و بامیان حاکمی محمد اسلام محمدی دن عبارت .

بو جمله دن عبدالصمد خاکسار و محمد اسلام محمدی ، تیریک ایمس لرو اله قچان عالمدن کوز یومگنلر.

اوشبو طالبان اعضالری نینگ نامللرینی ، سفرلرینی چیکله تیوچی و مالی ملکیتلرینی موزلتوچی ، رویخطدن الیب تشله نیشی خصوصیده کی قرار بیرلشگن ملتلر تشکیلاتی نینگ طالبان اعضا لریگه قرشی جزا چاره لرینی قیته کوریب چیقیشی یولیده کی حرکت لر سیره سیده آلینگن.

بیرلشگن ملتلر نینگ قاره رویخطیده ، طالبان و القاعده بیلن رابطه سی بولگن 500 شخص و قوریلمه لر نینگ نامی موجود.

بیرلشگن ملتلر قاره رویخطیدن نامی آلیب تشلنگنلردن ملا عبد السلام ضعیف ، بیرلشگن ملتلر تشکیلاتی ننیگ اوشبو قرارینی القیشله گن اما ، کوتیلگه نیچه ، کوپراق ادملر نینگ ناملری الیب تشله نیلمه گن لیگی نی معلوم قیلگن.

افغانستان دولتی ایسه یقینده ، طالبان بیلن یره شیش مذاکره لرینینگ

یولیده قوله یلیک یکریتیش مقصدی بیلن ، طالبان آتلرینی قاره رویخطدن آلیب تشله نیشینی سوره دیک .

هر حالده ،دیپلوماتلرگه کوره ، جمعه کونی اعلان قیلینگن قرار ، بوندن بیش ییل مقدم ، ناملری آلیب تشله نیشی سورلگن آدم لر بولگن.

هر بیر اسم نینگ اوشبو رویخطدن آلیب تشله نیشی اوچون خوفسیزلیک کینگشی نینگ 15 اعضا سی نینگ برچه سی آوزا بیریشی لازم .

دیپلوماتلر نینگ بیلدیریشیچه ، روسیه اشبو ناملر نینگ آلیب تشله نیشیگه جوده مایل بولمه گن.

شو نینگدیک ، منطقه ده کی طالبان بیلن رابطه سی بولگن مخدر ماده لر قاچاقییدن و طالبان بیلن چیچین ده کی اسلامی جنگچیلر اورته سیده کی رابطه لردن خواطر ده .

قاره رویخطده دن ناملرنی آلیب تشله نیشی اوچون طالبان اعضا لری نینگ ، زورانلیکلردن قول تارتیب ، القاعده بیلن هر قنده ی رابطه لرینی اوزیب ، افغانستان باش قانونینی قبول قیلیشلری کیرکلیگی شرط قیلیب کورسه تیلگن.

دیپلوماتلرگه کوره ، کیلگوسی هفته وآیلرده یینه ده کوپراق اسملر اوشبو قاره رویخطدن آلیب تشله نیشی ممکن.

اوشبو رویخطنی قیته کوریب چیقیلیشی نتیجه لری حقیده کوپراق معلوماتلر کیلگوسی هفته نینگ باشلریده چیقیشی کوتیلماقده .