قندهار پارتلشیده باله لرهلاک بولدی

Image caption پارتلش قندهار ولایتیده روی بیرگن.

افغانستان جنوبیده گی قندهار ولایتی رسمی لرگه کوره قندهار ده روی بیرگن خودکش هجومیده 5 باله هلاک بولگن.

حادثه ده ینه بیر باله یاره لنگن.حادثه ده خودکش هجومچی پارتلاوچی ماده لر یوکلنگن موترینی پلیس یانیده پارتلتگن.

انتحارجی هجومچیلر ایرته لب محلی وقت بیلن ساعت 9 ده ، قندهار غربیده کی دند منطقه سیده کی بازار ادم دن گوجوم بولگن پیتده هجوم ایوشتیرگن.

انتحارچی شخص ننیگ موتری اساسی نشانی بولگن بیر پلیس موتری یانیگه کیلگنیده خلق حمایه سیز قالگن.

هجومچی شخص ، اوز ی کیگن انتحاری نیمچه سینی پارتلتگنیده پلیس موتریده کی قوماندان امانالله نزک حاثده دن امان قالگن ، حال بو کی او ننیگ تن قوریقچیسی هلاک بولگن.

اما حادثه ده بیش یاش باله هلاک بولگن و باله لر ننیگ برچه سی اون یاشیدن پسراق بولگن. یینه بیر باله تن جراحتی الیشگن.

قندرها امنیه قوماندانی فضل احمد شیرزاد حادثه نی شوند هی ایضاحلیدی.

پارتلاوچی ماده لر موتر ایچیده جیالشتیریلگن ایدی و هجومچ هم انتحاری بیر نیمچه کیگن ایدی. نتیجه ده بیش بیگناه باله چه لر اولگن و بیرته سی یره نلگن . بیز جراحت کورنگن باله نی کسلخانه گه الیب باردیک دیدی قندهار پلیس باشلیغی فضل احمد شیرزاد .

منطقه نظارتینی الیش اوچون کانادالیک کوچلرو افغان پلیسی منطقه نی اوره ب آلگن.

افغانستان جمهور رئیسی حامد کرزی بیر بیانات ارقه لی اوشبو حادثه نی قاره لب او نی " جاهل و اسلام مقدس دینی نینگ حکملریدن خبرسیز انسانلر" ایشیدیب بهاله گن.

افغانستان ایچکی ایشلر وزیرلیگی کونی کیچه ، جاری ییل دوامیده ف عادی اهالی تلفاتی ننیگ اوتکن ییلگه نسبتا کوپه یگنلیگیدن خبر بیردی.

کوزه توچیلرگه کوره ، انتحاری هجوم لر ده و شو ننیگ دیک افغان اردو سی و ناتو کوچلری ننیگ حربی عملیاتلریده عادی اهالی هلاک بوله دی .