پاکستان چیگره پولیسی ناتو فعالیتنی تنقید له دی

پاکستان چیگره پلیسی
Image caption جنرالگه کوره پاکستان تمانی افغانستان تمانیگه نسبتا تورت برابر کوپراق نظارت پست لریگه ایگه و ایککی برابر تلفات بیرگن

پاکستان یوقارم مرتبه لی امینتی ملازمی ناتو کوچلریدن افغانستان و پاکستان اورته سیده کی چیگره نی نظارت قیلیش اوچون اونینگ تعبیریچه فقط پاکستان تمانیدن برچه مسئولیتنی قبول قیلیب الیش نی کوتیش اورنیگه اوزلری کوپراق سعی حرکت قیلیشلرینی طلب ایتگن.

پاکستان یریم-حربی پلیس کوچلری نینگ باشلیغی جنرال طارق خان ، بی بی سی بیلن صحبتده ، امریکا و بریتانیا تمانیدن ، حقانی ترماغی دیک عصیانچی گرو هلر نینگ مرکزی بولمیش شمالی وزیرستان قبیله لر حدودیده ، کوپراق فعالیت الیب باریلیشی بوییچه بوله یاتکن باسیم لر حقیده سوز یوروتگن.

حاضر ده پاکستان افغانستان لیک طالبان نینگ اینگ کوچلی گروهی دیب تانیلگن حقانی ترماغی نینگ مرکزیگه ایلنگن شمالی وزیرستان حدودلریده کوپراق فعالیت الیب باریشی اوچون باسیم لر استیده قالماقده .

شمالی وزیرستان بیر معما دیب ائیتکن بی بی سی بیلن صحبتیده جنرال طارق خان. اونینگ ائیتیشیچه پاکستان اوز یولیده و اوز وقتیده بو معما نی ایچه دی .

عینی دمده او نینگ ایئیتشیچه اگر بو ترماقلر ، افغانستان و ناتو کوچلری اوچون بونچ هلیک معما یرته یاتکن بولسه ، نیدن ناتو کوچلری ، او ننیگ تعبیریچه ، قندهار کبی حدود لرد اطرافیده ایله نیب توریش اورنیگه ، نیدن چیگره نی یخشیراق نظارت قیلمیدیلر .

جنرال طارق خان ،افغانستان ده 40 اولکه نینگ کوچلری بارلیگیگه اشاره ایتیب چیگره نینگ بو یوقا یده فقط بیر مملکت یعنی پاکستان بولیشی تیاکید له دی . اونگه کوره ، شونگه قره مسدن پاکستان اولردن (ناتو و افغان کوچلریدن کوره ) تورت برابر کوپراق نظارت پست لریگه ایگه و ایککی برابر تلفات نی قبول قیلماقده .

"آدم لر فقط ایتشدن کوره عمل قیلیشگه کیریش لری لازم . باشقه لر هم اوز مسئولیتلرینی الیب اینگ ازیده چیگره لریگه قره گنده بیز هم کوپراق عمل قیله میز " دیب ایئتکن جنرال طارق

بی بی سی مخبری لیز دوسیت اساسی معما شمالی وزیرستان نینگ ایچکریسیده ، چونکه بو بولگه قوراللی گروه لر نینگ مرکزی صفتیده کرویله دی دیب ایئتگنیمده ، جنرال طارق بولسه ، دولتدن تشقری بیر گروه نینگ پاکستان حدودیدن توریب اوروش آچیشی قبول قیلینمس لیگینی تأکید له گن.

جنرال طارق خان نینگ اوشبو سوزلری ، پاکستان جمهور رئیسی آصف علی زرداری نینگ ،ناتو کوچلری نی تنقید لب ، اولر افغانستان ده کی اوروشنی بای بیرماقده لر دیب ایئتگنیدن کیین ینگره ماقده .