"یاردم خادملرنینگ قاتللری محلی اوغریلر بولمه گن "

IAM
Image caption گروه نینگ تیریک قالگن هیاوچیسی اساس هجومچی نینگ پاکستانلیک بولگن لیگینی ایئتگن.

افغانستان شمال شرقیده کی بدخشان ولایتیده اون نفر یاردم خاردملری هلاک ایتلگن (آی اه ام ) نصرانی خیریه تشکیلاتی نینگ ایشانیشیچه خادم لرینی محلدن بولمه گن قوراللیلر اولدیرگن.

اوتکن هفته ( آی آه ام ) تشکیلاتی نینگ سکیز نفر خارجلیک و ایککی نفر افغان طبیات خادملری بدخشان ولایتی ده آتیب اولدیریلگن ایدی.

اوشبو حادثه دن تیریک قالگن یگانه شخص ف گروه نینگ هیدوچیسی بولگن.

هر چند بوندن آلدین طالبان و حزب اسلامی گرو ه لری اوشبو خادملر نی اولدیریش مسئولیتینی اوز بویینلریگه آلگن ایدیلر.

اما ( ای اه ام ) تشکیلاتی ، ترقتگن بیاناتنامه سیده ، اشبو گروه نینگ تیریک قالگن هیداوچی سی صفی الله دن اقتباسا ، قاتللر نینگ محلدن بولمه گن لیگنی و اساسی هجومچی شخص کورینیشیچه بیر پاکستانلیک بولگن.

ای اه ام تشکیلتی نینگ رهبری دیریک فرانس گه کوره ، تیکشیرو لر گه کور ه آلدین ایشانیلگنیدن فرقلی اولراق اوشبو قتل عادی بیر اوغریلیک حادثه سی بولمه گن.

عینی دمده . بدخشان امنیت آمری سید حسین صفوی نینگ ایتیشیچه سونگی تیکشیروو لر " پاکستانلیک عامللرنینگ " اشبو خادم لر اولیمیده قولی بولگن لیگنی و قاتللر نینگ بدخشان ولایتی تشقریسیدن کیلگنلیگینی کورسته دی.

جناب صفوی گه کوره ، گروه نینگ هیداوچیسی ،عصیانچیلر گروهی نینگ باشلیغی نینگ بویروغیگه بناءً قوییب یوباریلگن.

شونینگ دیک جناب صفوی، گروه نینگ تیریک قالگن هیداوچی سی صفی الله دن اقتباسا ، هجومچیلر نورستانی تیلیده سوزلشگن لیگنی معلوم قیلگن.

اوتکن هفته یاردمچی خادملر جسدی تاپیلیشیدن بیر نیچه ساعت اوتر ، طالبانو حزب اسلامی گروه لری اوشبو قاتللیک مسئولیتینی اوز ذمه لریگه الگن ایدیلر. اما اوشبو موسسه مسئوللری اوز خادملرینینگ اولیمیده اوغیرلرنینگ قولی بارلیگنی ایئتگن ایدی.

افغانستان ایچکی ایشلر وزیرلیگی بو خصوصده آلیب باره یاتکن تیکشیروولر نتیجه سی نی کیله جک هفته اعلان قیلیشینی معلوم قیلگن.

خلق ارا (آی اه آم ) تشکیلاتی 1966 نیچی ییلدن بیری افغانستان طبی خذمتلر اینقسه کوز کسللرینی دوالش ساحه سیده شغلله نیب کیلگنلر.

افغانستانده کی کوپ گینه کوز کسلخانه لری اوشبو تشکیلات تمانیدن دستکله نه دی