محلی حاکملر سناوو آرقه لی تعین ایتیله دی

مسوول کیشیلرگه کوره کیله جک ایککی یا اوچ ییلده بوتون ولسوال لیک حاکم لیگی و ولایت اورن باسرلیگی مقاملری هم رقابت گه قویلیب ، شخص لر سناوو ارقه لی بو مقام لرگه تعین ایتیله دی .

بلخ، قندهار، هرات، دایکندی، فاریاب، بامیان، هلمند، غزنی پکتیکا زابل کبی اون ایککی ولایت نینگ 33 ولسوالیک مقامی گه ایرشیش اوچون 89 کیشی ، دولتی سناوگه قتشگندی.

افغانستان ده گی اداری اصلاحات اداره سی مسئوللری ،دولتی دایره لرده اوچ ییل خذمت قیلگن، عالی تحصیل درجه سیگه ایگه بولگن شخص لر نی بو امتحانده قتشیشگه قادر بوله دی لر دیب ایتگن.

عینی دمده ، اساسی قانونگه حرمت قیلیش و انسان حق لرینی آیاق استی قیلمسلیک ، امتحان نینگ باشقه شرط لریدن بیر ایدی .

افغانستان اداری اصلاحات ریسی احمد مشاهد شوندی معیارلرنی بیتکزمه گن کیشیلرنینگ بوکوونگی سناوده کیره المه گنلیکلرینی ایتدی.

سناوو اوچون قویلگن شرط لردن بیری قنه شووچیلرنی عالی تحصیل گه ایگه بولیشی دیب کورسه تیلماقده لیکن اون ایککینچی صنف اوقیگن کیشی هم اوشبو سناووده اشتراک قیلگن ایدی.

محلی اداره لر ریسی غلام جیلانی پوپل ولسوال لیک حاکملرینی سناوو ارقه لی تعین ایتیلیشی محلی اداره لری نینگ کوچله نیشی اوچون اوته مهم لیگنی ایتیب ، کیله جکده ولسوال حاکملریگه ارتیقچه صلاحیت لرنی تاپشرلیشنی معلوم قیلدی.

شونینگ دیک پوپل جنابلری اوشبو جریان نی یولگه قوییلیشدن اساسی مقصد محلی اداره لر قابلیتنی کوچیتریش وناسیاسی لنتریش دیب اورغوله دی

عینی دمده او حکومت اداره لرنی کوچیتریش اوچون ناتینچ بولگن 80 ولسواللیکده حربی عملیات لر نینگ یولگه قویلیشدن خبربیردی،

افغانستان نینگ اکثری ولایت لریده ایریم سیاسی حزبلر گه علاقه دار کیشی لر عینی حالده محلده حاکم بولگن شخص لرنی ولسوال حاکمی صفتیده وظیفه الیب باره یاتگنی خصوصیده شکایت لر موجود ایدی.

شونگه قوشیمچه بیرقنچه تومن حاکملری نینگ عالی تحصیل گه ایگه بولمه گنی هم ایتیلیب کیلگن.

محلی ارگانلر ریسی غلام جیلانی پوپل عینی معمالرنی برطرف ایتیش اوچون ولسوال حاکملرینی سوناو دن اوتیش ریجه لنگن دیب اورغوله دی.