افغانستان شمالیده ینگی نفت میدانی تاپیلدی

پترول
Image caption افغانستان نفت و گاز ذخیره لری اساسا ممکلت شمالیده جایلشگن

افغانستان حکومتی معلوم قیلیشیچه ، مملکت شمالیده بیر بوتون اوندن سکیز میلیارد (1.8 میلیارد) بارل نفتی بار بولگن نفت میدانی تاپیلگن.

افغانستان کان و صناعت وزیرلیگی نینگ سوزچیسی جواد عمر نینگ ائیتیشیچه میان افغانستان لیک و خلق ارا متخصصلر قیدیروولری ارتیدن تاپیلگن.

اوشبو نفت میدانی ، ممکلت شمالیده کی مزار شریف شهری ، حیرتان و تاشقرغان شهرلری اورت هسیده جایلشگن لیگی معلوم قیلینگن.

افغانستان کان و صناعت وزیری وحید الله شهرانی بی بی سی بیلن بولگن صحبتیده ، اوشبو نفت حوزه سی جایلشگن بولگه ، هم امکامینت لر وقوله ی لیک لر نقطه ء نظریدن همده خوفسیزلیک جهتیدن اوته مساعد مکانده جایلشگن.

اونگه کوره : "هم تیمیر یول اوشبو منطقه گه کیلگن ، هم اسفالت یوللری موجود ، برق معما ایمس همده خوفسیزلیک جهتیدن ممکلتده کی اینگ امنیت اورنه تیلگن بولگه لردن بیری دیر ."

جناب شهرانیگه کوره، اوشبو نفت میدانی خصوصیده دستلبکی تیکشیرو لر و او نینگ قیمتینی تعیینلش ایشی ، جاری ییل دیسیمبر آییگه چه توگه شی ممکن و کیله جک ییل جنوری آییدن باشلب اوشبو نفت میدانینی خلق ارا کیم آچتدی سودا سیگه قوییشنی کوزه لگن لر .بو ایسه افغانستانده تاپیلگن التینچی نفت میدانی سنه له دی .

اینگ بویوک نفت میدانی ، اوزبیکستان ، افغانستان و تاجکستان اورته سیده جایلشگن آمو دریا سطحیده جایلشگن لیگی ائیتیله دی .

جاری ییل باشیده افغانستان حکومتی اوز حدودیده گی رواجلنتیریلمه گن نفت ، گاز ، آرتین و مس ذخیره لری اوچ تریلیون دالرگه تینگ بولیشی ممنلیگینی ائیتگن ایدی.

اوتکن آی افغانستان کان و صناعت وزیرلیگی نیگ بیر هیئتی لندن شهریگه کیلیب ، خلق ارا سرمایه دارلر نی اوشبو کانلرنی ایشلب چیقاریش اوچون جلب قیلیشگه اورینگن ایدی.

مذکور بولیب اوتکن ییغینیده التیمشدن ارتیق خارجی سرمایه دارلر قتنشگن ایدی

افغانستان کان و صناعت وزیری وحید الله شهرانی سپتمبر اییدن باشلب ، اوشبو کانلرنی کیم آچتی سودا سیگه قوییشینی معلوم قیلیب او نی خلق ارا نظارتچیلر کوز الدیده شفاف شکلده بولیب اوتیشینی وعده بیرگن ایدی.

عینی دمده جناب شهرانی ، کیله جک یل نینگ باشلریدن ف مملکت شمالیده کی نفت و گاز کانلری نینگ ایشله تیلیشی اوچون هم کیم آچتید سودا سی یولگه قوییلیشینی بیلدیرگن.

هر چند افغانستان دولتیدن آلدین نیویارک تایمز روزنامه سی امرکیا دولتی نینگ منبع لریدن اقتباسا افغانستانده کی کانلر نینگ بیر تیریلیون دالرگه تینگ دیب ایئتگن ایدی اما کیینچه لیک افغانستان دولتی اونی اوچ تیریلیون دالر بولیش احتمالینی ایلگری سورگن ایدی.

اما مخبرلرگه کوره ، اوروش دوام ایته یاتگن و کانچیلیک تمل اساسلری رواجلنمه گن و یا جوده چیکلنگن بولگن افغانستانده بو کبی ذخیره لرنی قازیب چیقاریش کوپ سرمایه دالر اوچون قیین بیر ایش سنه لیشی ممکن.