بادغیسده طالبان قوماندانی هلاک بولدی

Image caption بادغیس ولایتیده روی بیرگن توقنه شولرده طالبان قوماندان لریدن بیر کیشی هلاک بولگن

افغانستان شمال غربیده گی بادغیس ولایتده عصیانچی طالبلر و پولیس آره سیده یوز بیرگن توقنه شوولرده کمیده بیر کیشی طالب لر نینگ یوقاری مرتبه لی قوماندانلریدن هلاک ایتلگن.

بادغیس ولایتی خوف سیزلیک مسوللریگه کوره، آتشمه لر جریانیده ایککی کیشی طالب هم یره لنگن اما پولیس کوچلریگه هیچ بیر قندی تلفات یتکزلمه گن.

بادغیس ولایتی خوف سیزلیک مسوللریگه کوره،توقنه شو اوشبو ولایت نینگ آب کمری ولسوالیگده یوز بیر گن.

بادغیس ولایتی پولیس نینگ اورن باسری، احمد شاه جنابلریگه کوره، بیر گروه طالب لر ینگیل وآغیر قوراللر بیلن پولیس پوسته سیگه هجوم اویشترشگن.

عصیانچی طالب لر و پولیس آره سیده دوام ایتگن بیرنیچه ساعت لیک آتشمه لرده، طالب لرنی ملا بسم الله اسملی مشهور محلی قوماندانلری اولدرلگن و او نینگ ایککی کیشی قوریقچی سی ایسه یره لنگن.

بادغیس ولایتی پولیس نی بیلدریشچه، یره لنگن طالب لر افغاستان خوف سیزلیک کوچلری تمانیدن اسیر آلینگن و اولر اوستیدن تیکشرو ایشلری باشله تیلگن.

بادغیس ولایتی پولیسی نینگ اورن باسری احمد شاه جنابلریگه کوره، پولیس طالب لر یانیدن بیرنیچه میل تورلی خیل آغیر و ینگیل قوراللرنی آلیشگه هم موفق بولگن.

احمد شاه جنابلری بو توقنه شوده پولیس کوچلریگه هیچ قندی تلفات یتکزلمه گن لیگی نی ادعا قیلماقته.

اما اوزینی طالبلر سوزچی سی دیب تانیشتره یاتگان ذبیح الله مجاهد ایسه، بادغیس ولایتده گی توقنه شولرده بیر نیچه کیشی پولیس ضابط لری هلاک ایلتگن لیگنی ادعا قیلگن.

بادغیس ولایتی نینگ خوف سیزلیک مسوللری ایسه ، توقنه شو یوز بیرگن منطقه حاضر دولت نطارتیده ایکن لیگی نی ایتب طالبلرنی قیته هجوم اویشتریش لرینی الدینی آلیش اوچون پولیس کیرک لی چاره تدبیرلرنی کوره یاتگان لیگی نی اورغوله ماقته.

بادغیس ولایتی افغانستان شمال غربیده گی ناتینچ حدودلردن سنه له دی اوشبو منطقه ده عصیانچی طالب لر کینگ شکلده فعالیت آلیب باره یاتگان لیگی اورغولنه دی.