فاریابدن بیرنفرچین لیک اوغیرلندی

Image caption قوروچی شرکت خادمی مملکت شمالیده گی فاریاب ولایت نینگ قیصار ولسوالیگیدن اوغیرلنگن.

فاریاب ولایتی رسمی لری بوگون یرته لب بیر نفر چین وطنداشی نینگ اوغیر لنگنینی معلوم قیلگن.

اولرگه کوره ، یول قوروچی بیر شرکت خادمی بولگن بو چین لیک طالبان تمانیدن اوغیرلنگن .

قیصار ولسوالیگی حاکمی محمد صدیق حمیدی ، بو شخص نینگ قیصار منطقه سیدن اوغیرلنگنینی معلوم قیلیب، حاضرگه قدر اونینگ تقدیری باره سیده هیچ قندی معلومات یوقلیگنی ایتگن.

یول قوروچی شرکت خادم لری بوندن اول هم عینی منطقه ده طالبان تمانیدن اوغیرلنگندی.

شرین تگابده توقنه شو

عین دمده فاریاب ولایتی نینگ شیرین تگاب و دولت اباد ولسوالیکلری اره سیده طالبان عصیانکارلری وملی اوردو کوچلری آره سیده توقنه شو لر روی بیرگن.

شیرین تگاب ولسوالیگی حاکمی سید لقمان گریک نی معلوم قیلیشچه روی بیرگن توقنه شو لرده ملی اوردو کوچ لریدن بیر نفر عسکر یاره لنگن.

رسمی لرگه کوره بو توقنه شو ده طالبان عصیانکارلریدن هم بیرکیشی یاره لنگن .

گریک جنابلریگه کوره طالبان گروهی، شیرین تگاب ولسوالیگی ارقه لی فاریاب و جوزجان ولایتلرنی باغلنتروچی شاه یولگه هجوم اویشترلیشی آرتیدن توقنه شو روی بیرگن.

گریک جنابلریگه کوره ،ایککی ساعتچه دوام تارتگن اوروش آرتیدن ، طالبان عصیانچی لری منطقه نی ترک ایتگن.

پارتلاوچی ماده لر قولگه آلیندی

Image caption پارتلاو.چی ماده لر بلخ ولایتیدن قولگه کیرتیلگن

افغانستان شمالیده گی ناتو کوچلری بلخ ولایتیده ،اوچ کیشنی، بمب توزه تیش عیبی بیلن قولگه کیرتگنینی معلوم قیلگن.

ناتو کوچلریگه کوره بو شخص لر ناتو و پلیس کوچ لری نینگ عملیاتی نتیجه سیده قولگه آلینگن.

ناتو تمانیدن ترقه تیلگن بیاناتده کیلیشچه ، بلخ ولایتی، چمتال ولسوالیگی نینگ علی زی منطقه سیدن قولگه آلینگن شخص لربیلن بیرگه لیکته کوپ مقدارده گی پارتلاوچی ماده و بمب توزه تیش اوچون کیرک بولگن ایرم کیمیاوی ماده لرهم قولگه کیرتیلگن.

ناتوگه کوره بو شخص لر پارلمان سیلاو لر جریانینی بوزیش اوچون بیرنیچه عملیاتلرنی ریجه لنتره یاتگن بولگن.

قولگه آلینگن شخص لر ، بلخ ولایتی پلیس کوچلریگه تاپشریلب ، تیرگو ایشلری باشله تیلگن.