ناتوکوچلری: تخارده کی هوای هجومده برعصیانچی هلاک بولگن

ناتوکوچلری بوندن آلدین تخارولایتیده یولگه قویلگن هوای هجومده اوزبکستان اسلامی حرکتیگه علاقه دار قوماندانلردن بری نینگ هلاک ایتیلگنینی معلوم قیلگن.

تخارولایتی نینگ رستاق تومنیده یولگه قویلگن هوای هجومده عادی اهالی یاکی عصیانچیلرقربان بولگنمی دیگن مسله نی انیق لش اوچون تحقیقات الیب باریلیشی اورغولنگن ایدی.

ناتوکوچلری بیربیانات چقریب اوشبو هوای هجوم اوستیدن الیب بارگن تحقیقات نتیجه سینی اعلان قیلگن.

ناتوکوچلری حاضرگی چیقارگن ببیاناتیده هوای هجومده قربان بولگنلراره سیده محمد امین ناملی برکیشی نینگ موجود لیگینی اورغولب اونی اوزبکستان اسلامی حرکتیگه علاقه دار قوماندانلردن بری بولگنینی معلوم قیلگن.

عینی حالده ایساف کوچلری ناتو هوای هجومی بیلن نشانگه الینگن کاروانده هیچ قندی تبلغاتی صورتلر موجود بولمه گندیب تاکیدله گن.

باشقه تماندن ناتوکوچلری نینگ سوزچیلریدن بیری مایکل جانسین، پارلمانی سیلاو گه نامزد کیشی نینگ نیمه اوچون تروریست بیلن سفرقیله دی دیب بوباره ده افغانستان حکومتی نینگ تحقیقات الیب باریشینی سوره گن.

تخارولایتی نینگ ولایت حاکمی عبدالجبار تقوا کمپاین کاروانیده محمد امین دیگن بیرشخص نینگ موجود بولگنینی اورغولب اونی تروریست یاده اوزبکستان اسلامی حرکتیگه علاقه دار ایمسلگینی تاکیدلب قوییده گی چه سوزیورتدی "اولرنینگ دعواقیلشلریچه محمد امین دیگن برکیشی اوشبو کاروانده بارایدی او کیشی تخار ولایتی نینگ عالی اوقویورت طلبه لریدن بولگن نه هلاک ایتیلگن ونه هم یره لنگن، بو ناتوغری، همده هوای هجومده قربان بولگن ظابط امان الله نی هم اوزبیکستان اسلامی حرکتیگه علاقه دار ایکنی ادعا قیلنه دی بو هم اساس سیز". دیب ایتدی تخارولایتی نینگ حاکمی تقوا جنابلری.

افغانستان ریاست جمهوررلیک سرای نینگ سوزچیلریدن بیری سیامک هروی هم افغانستان حکومتی تمانیدن الیب باریلگن تحقیقات نتیجه سیده اوشبو هوای هجومده اون کیشی اهالی نینگ قربان بولگنی انیق لنگندیب هوای هجومنی قیتغ قاره لب چیقدی.

باشقه تماندن سیلاو تبلغات کمپاینی نشانگه الینگن ، عبدالواحدخراسانی ناتوکوچلری نینگ سونگی بیاناتینی هم رد ایتیب قربان بولگنلرنینگ همه سینی کمپاین خادملری ایکنینی اورغوله دی.

بوندن اون برکون الدین پارلمانی سیلاوگه نامزد عبدالواحد خرسانی نینگ تبلغات کاروانی تخارولایتی نینگ رستاق تومنی نینگ کیوان منطقه سیده هوای هجوم ارقه لی نشانگه النیب اون کیشی هلاک ایتلگنی ایتیلگن ایدی.

افغان رسمیلر هوای هجومده هلاک بولگنلرنینگ کمپاین خادملری دیشه دی، اما ناتوکوچلری سیلاو الدی تلبغات کاروانیگه اوزبکستان اسلامی حرکتیگه باغلیق مهم قوماندان لردن بیری بولگنی اوچون کاروان نشانگه النیب اوشبو شخص نینگ هلاک ایتیلگنینی ادعا قیلماقده.