سیلاولر تینچلیگینی 300 مینگ کوچ آله دی

پارلمان سیلاو لری سنبله آیی نینگ 27نچی سیگه بولیب اوته دی

افغانستان مدافعه وزیرلیگی و ایساف کوچلری ، پارلمان سیلاو لری نینگ تیچلیگی نی سقله ش اوچون تیارگر لیک آلگن لرینی تاکید قیله دیلر.

مدافعه وزیرلگیگه کوره ، 300 مینگ دن کوپراق ایچکی و تشقری کوچلر ، سیلاولر نینگ امنیتی نی آلیش اوچون موظف بولگن لر.

شو نینگ دیک ایساف کوچلری هم سیلاو کونی گه افغان کوچلری بیلن بیرگه لیکگه امنیت نی سقله ش گه ایش آلیب باره دیلر.

پارلمانی سیلاو لری نینگ یخشی شکلده بولیب اوتیشی ، اوچون ، تینچ لیک نی سقله ش ، اینگ کتته برنامه لردن حسابلنه دی.

مدافعه وزیرلیگی نینگ سوزچیسی جنرال ظاهر عظیمی گه کوره ، اوتگن نیچه کون جریانی ده 63 مینگ ملی اردو کوچی ، افغانستان ایریم حدود لریده ، جایلشگن لر.

عظیمی جنابلری ، سیلاو لر نینگ تینچلیگی نی سقله ش اوچون ، کوچلر نینگ رقمی کوپه یگن دیدی .

حربی مقام لرگه کوره ، حاضرگی حالتده ، افغانستان ملی کوچلری ، کوزگه کورینرلی درجه ده ، کوچلنتیریلگن.

افغانستان مدافعه وزیرلیگی سیلاولر نینگ تینچلیگی نی سقله ش پلان توزه تیشیگه بیرینچی اورینی بولگن اما رأی بیریش مرکز لر نینگ امنیتی بوتون لی ملی پولیس بویینه گه دیر.

مدافعه وزیرلیگی نینگ سوزچی سی گه کوره ، اوشبو کوچلر مملکت نینگ ایریم حدود لریده ، سیلاو لر تمام بولگنی دن کیین ، احتیاج بولگن پیتگه چه ، قاله دیلر.

شونده ی بیر حالتده ، ایساف کوچلری هم ، سیلاو لر کونی گه افغان کوچلری دن جدی شکل ده حمایت ایتیشیدن خبر بیردی.

ایساف کوچلری نینگ سوزچی لریدن واین وایلر ، سیلاو لر کونی اوشبو کوچلر ، طالبان و باشقه مخالف گروه لرنینگ احتمالی هجوم لری نی آلدینی الیش اوچون ، جدی سعی و حرکت قیلیش لریدن خبر بیردی.

هرچند سیلاولر مستقل کمیسیونی نینگ مسوول لری و نامز وکیل لر ، تینچ سیز لیک لرنینگ کوپه یشی نی مملکت نینگ ایریم حدود لریده ، رأی بیره یاتگن لر برابریده اینگ کتته معما لردن دیر دیب ایته دیلر اما خوف سیز لیک مقام لر ایسه ، اوتگن سیلاولر دن کتته تجربه لر گه ایگه بولگنی دن سوز یوریتیب ، سنبله آیی نینگ 27 نچی سیگه کوتیله یاتگن پارلمانی سیلاو لری نینگ تینچلیگی نی سقله شی گه ایشانچ بیره دیلر.