فاریابده گی جنگده تورت نفرطالب هلاک بولدی

Image caption توقنه شو لر سیلاوو عرفه سیده فاریاب ولایتی نینگ لولاش تومنیده روی بیرگن

فاریاب ولایتی نینگ لولاش تومنیده طالبان و پولیس کوچلری آره سیده یوزبیرگن اوروشده تورت نفر قورالی طالب هلاک بولگن.

فاریاب رسمی لریگه کوره روی بیرگن آتشمه ده 5 نفر طالب هم یره لنگن.

اولرگه کوره بیرقنچه قوراللی طالب عصیانکارلری منطقه ده گی پولیس قرارگاهی گه هجوم قیلشگن.

توقنه شو لر بیرنیچه ساعت دوام تاپیب ، نتیجه ده 12 عصیانکار پولیس قولیگه توشگن.

محلی رسمی لرنینگ معلوم قلیشلریچه آتلرگه منیب آلگن قوراللی طالبان عصیانکارلری کیچه کیچ ، لولاش تومنی غربیده گی بندر قشلاغیده جایلشگن پولیس کوچلری قرارگاهی گه هجوم اویشتریشی آرتیدن توقنه شو لر باشله گن.

فاریاب ولایتی نینگ پولیس قوماندالیگی سوزچی سی سید مسعودیعقوبی گه کوره اوروش 6ساعتچه دوام ایتیب قوراللی طالبلرتمانیدن بیرنیچه کیشی نینگ هلاک و یره لنیشی آرتیدن اولرآرتگه قیتیشگه مجبوربولگن.

رسمی لرنینگ معلوم قلیشیچه بند راهالی سی هم طالبلرگه قرشی کوره شده پولیس گه یاردم بیریشگن.

هلاک بولگن تورت نفر طالب آره سیده پشتونکوت تومنی حاکمی اوله راق تعین ایتلگن شخص نینگ بارلیگی ایتلماقده.

فاریاب رسمی لری پولیس تمانیدن قولگه آلینگن 12طالب آره سیده طالبلرنینگ فعال باشلیغ لریدن حساب لنه یاتگن سرپل لیک ملایعقوب ناملی شخص نینگ بارلیگی هم معلوم قیلنگن.

فاریاب ولایتی پولیس باشقرمه مسئووللری نینگ ایتیشیچه هلاک بولگن طالبان جسدی اوروش میدانیده قالیب ، طالبان یره لنگن 5 طالبنی اوزلری بیلن آلیب کیتیشگه موفق بولگن.

فاریاب ولایتی رسمی لری اوییشتیرلگن هجوم دن اساسی مقصد سیلاوگه قتنه شه یاتگن اهالی آره سیده خوف توغدریش بولگنینی ایتماقده.

رسمی لری روی بیرگن حادثه ده پولیس واهالیگه هیچ قنده ی ضرر-زیان ییتکزلمه گن لیگی نی تاکیدلشماقده .

طالبلرروی بیرگن حادثه حقیده حاضرگه قدر هیچ قندی مناسبت بیلدرمه گن .