رای بیریش باشله نیشی بیلن راکتی هجوملرهم باشلندی .

پارلمانی سیلاوگه رای بیریش جریانی باشله نیشی بیلن افغانستان نینگ بعضی بر حدودلری راکت اوقی بیلن نشانگه آلنیب نتیجه ده نیچه کیشی هلاک ویره لنگن.

بلخ و ننگرهار ولایتیده اویشتریلگن راکتی هجومده رسمی معلومات لرگه کوره اوچ نفر هلاک بولیب وتورت کیشی یره لنگن.

بوگون ایرته لب کابل شهری هم راکت اوقی بیلن نشانگه النیدی، افغان رسمیلری اوشبو راکت اوقی نینگ ملی تلویزیون یقینلریده اصابت قیلگندیب هیچ قندی تلفات روی بیرمه گنینی تاکیدله دیلر.

باشقه تماندن تخار ولایتی نینگ خواجه بهاوالدین و ینگی قلعه ولسواللیک لریده رای بیروچی مرکزلر عصیانچیلر تمانیدن راکت اوقی بیلن نشانگه الینگن.

تخارولایتی نینگ ولایت حاکمی سوزچیسی فیض محمد توحیدی بی بی سی اوزبیک خذمتی بیلن بولگن صحبتیده اوشبو راکت هجوملرده هیچ قندی تلفات یوزبیرمه گنینی اورغولب، لیکن رای بیروچی لرنینگ سانینی آزه لیشگه سبب بولگندیب خواطر اظهارایتگن.

عینی حالده توحیدی جنابلری راکتی هجوملر اوشبو منطقه لرده توخته گن دیب سوزیوریتگن، لیکن منطقه یشاوچیلری رای مرکزلری نینگ حاضرهم راکت اوقی بیلن نشانگه النیب کیله یاتگنینی ادعاقیلیب ، برکیشی نینگ یره لنگن لیگینی ایتگنلر.

شونینگدیک اوشبو حدودلرده یوزبیرگن ناقرارلیکلر باعث اکثری رای بیروچیلر، رای مرکزلرینی ترک ایتگنی هم تاکیدلنگن.

شونینگ دیک قندوز ولایتی نینگ علی آباد تومنیده هم رای مرکزلریدن بری عصیانچیلر تمانیدن نشانه الیگنی ایتیلگن اما، بوخصوصده ارتیق معلومات لر بیریلمه گن.

طالبلر گروهی سیلاو جریانی نینگ بوزیشدن خبریب بعضی بیرحدودلرده اهالی نینگ رای بیرمسلیکلری بیلن تهدید ایتگن ایدی.

افغانستان حکومتی سیلاو کونیده یوزبیرگن ناقرارلیک لر باره سیده محلی وقت بیلن ساعت بیش ده تولیق معلومات بیریشینی تاکیدلب کیلماقده.