رای بیریش جریانی باشلندی

محلی وقت بیلن ساعت یتتی ده افغانستان بویلب رای بیروچی مرکزلر آچیلدی. افغانستان خلقی سیلاو گه حصصه قوشیشلری بیلن اوز وکیللرینی سیلیدیلر.

قریب اون ایککی میلیون رای بیروچی لر بولگن اما برلشگن ملتلر تشکیلاتی بیش و یتتی میلیون کیشی پارلمانی سیلاوگه حصصه قوشسه سیلاو نینگ موفقیت لی دیب بهالش ممکن لیگینی اورغوله گن.

افغانستان بویلب 2500 کیشی ایککنچی دور پارلمانی سیلاوگه اوزینی نامزد ایتگن.

افغانستان نماینده لر کینگاشی نینگ 249 نفر اعضاسی بولیب شو جمله دن 25 فایزینی خاتین قیزلر بولیشی قید ایتیلگن.

پارلمانی سیلاو نینگ بولیب اوتیشی استانه سیده امنیتی خواطرلرقوشیمچه اهالی سیلاو جریانیده قلاب کارلیک یوزبیریشدن خواطرده بولگنلر.

اما مستقل سیلاو لرکمیسیون مسووللری احتمالی یوزبیره دیگن قلاب کارلیک لرنی آلدینی الیش اوچون جدی اعتبار قره تیشینی اورغولب کیلماقده.

عینی حالده افغانستان حکومتی سیلاو امنیتی نینگ تامین لش اوچون قریب اوچ یوز مینگ امنیتی کوچلری نینگ افغانستان بویلب وظیفه لنتریلگنینی تاکیدلیدی.

ضرورت بولگن حالده ایساف کوچلرینی هم افغان کوچلری بیلن یاردم قیلیشی کوتیله دی.

مستقل سیلاولر کمیسیونی افغانستان بویلب التی مینگ رای مرکزلری نینگ موجوبولگنینی ایتیب اوشبو مرکزلر نینگ محلی وقت بیلن 4 عصرگه چه آچیق بولیشینی معلوم قیلگن.