" ساغلیک برنامه لریگه توسیق بولمنگلر"

خلقرا ساغلیک تشکیلاتی وافغانستان عامه ساغلیک وزیرلیگی توقنه شیب کیله یاتگن برچه تمانلردن ساغلیک برنامه لریگه توسیق لیک یره تمسلیگینی طلب قیلگن.

خلق ارا تینچلیک کونی نینگ نشانلش مراسمی بیلن اوشبو طلب ایلگری سوریلدی.

افغانستان عامه ساغلیک وزیرلیگی بو گونگی مناسبت بیلن افغانستان باله لرنی ییملش دستوری نی پایتخت کابل وافغانستان بویلب یولگه قویلیشینی تاکید له دی.

جهانی تینچلیک کونی مناسبتی بیلن بوکبی برنامه لر افغانستان نینگ کوپینچه منطقه لریده هرییلی یولگه قویلیب کیلماقده. لیکن بوییل جنوبی حدودلرده باله لرنی ییملش دستوری یخشی بیرشکلده یولگه قویلمه گن.

حال بوکی فلج کسل لیگیگه چلینگن باله لرنینگ اکثریتی اوشبو ولایت لرده کوزه تیلگن.

شوندی بولسه هم افغانستان عامه ساغلیک وزیرلیگی 2013 میلادی ییلگه قدر فلج کسل لیگینی افغانستان بویلب یوق ایتیشگه امید بیلدرگن. لیکن امنیت یمان له شیب باره یاتگنی بوبرنامه نینگ ناتینچ منطقه لرده عملی بولیشیگه معما یره تگن.

حاضرگه قدر افغانستان بویلب 16 باله فلچ کسل لیگیگه چلینگنلیگی انیق لنگن، بولرنینگ 15 ته سی جنوبی حدودلرده کوزه تیلگن .

خلقرا ساغلیک تشکیلاتی نینگ ریسی پیتر گراف خلق ارا تینچلیک کونی مناسبتی بیلن کابلده یولگه قویلگن مراسمده اوریشیب کیله یاتگن برچه تمانلردن ساغلیک برنامه لریگه توسیق بولمسلیکلرینی طلب قیلدی.

افغانستان، پاکستان ، هند ونیجریه مملکتلریده فلج کسل لیگی حاضرگه قدر هم موجود بولگن.