سیلاولر شکایت لری ایککی مینگ و 500 بولگن

سیلاولر کمیسیونی: ولایت لرده گی رأی لر کمیسیون تمانیدن کابل گه هم تیکشیریله دی

افغانستان مستقل سیلاولر شکایت لر یگه ایشیتوچی کمیسیون ، حاضرگی کونگه قدر 2500 یازمه شکایت مستقل سیلاو لر ده اشتراک ایتگن نامزادلر تمانیده قید ایتیلگن لیگینی ایتدی .

اوشبو کمیسیون ملازیم لریگه کوره سیلاو لرده یولگه قوییلگن قلاب کار لیک لر یوزه سیده توشگن شکایت لر تیکشیریلماقده.

عین حالده جمهور ریس کرزی جناب لری مستقل سیلاو لر کمیسیونی و شکایت لرنی ایشیتوچی کمیسیون دن نتیجه لر نی معلوم قیلیشده ایچکی و تشقی باسیم آستیده کیتمی اوز ایشلرینی یخشی بیر شکلده آلیب باریش لرینی سوره گن.

هر چند سیلاولر شکایت لریگه ایشیتوچی کمیسیونی ، سیلاولرنینگ نهایی نتیجه سی اعلان قیلگونگه قدر کیلگن شکایت لرنی تیکشیریش لری نی ایته دی اما جمهور ریس کرزی نینگ سیاسی رقیب لریدن بیری داکتر عبد الله سیلاو لر جریانیده قلاب لیک لر بولگنی و سیلاو شفاف بیر شکلده اوتمه گن لیگینی ادعا قیله دی.

اوشبو ادعا لرگه قرگنده ، سیلاولر شکایت لر یگه ایشیتوچی کمیسیونی ایسه ، کیلگن ایککی مینگ و 500 گه یقین شکایت لرنینگ اوچ مرحله گه تیکشیریشی نی ایته دی.

شو نینگ دیک افغانستان جمهور ریسی حامد کرزی هم ، سیلاو لر حریانی یخشی شکلده بولیب اوتیشی نی تقدیر لب ، سیلاولر ایشی ،مستقل سیلاو لر کمیسیونی و شکایت لر کمیسیونی گه تیگیشلی بولگن لیگینی ایتیب نهایی نتیجه هم اوشبو کمیسیون لر آرقه لی اهالیگه ایتکزیلیشینی تاکید له دی.

مستقل سیلاو لر کمیسیونی بیرگن رقم گه کوره بو ییل گی سیلاو ده 4 میلیون 3 یوز 32 مینگ 873 کیشی اشتراک ایتگن.