تخارده گی اربکی کوچلر و طالبان آره سیده توقنه شو

Image caption توقنه شولر تخار ولایتده روی بیرگن

افغانستان شمال شرقیده گی تخار ولایتی نینگ خوف سیزلیک مسوللریگه کوره اوشبو ولایت نینگ خواجه غار ولسوالیگیده اربکی کوچلر و طالب لر اره سیده یوز بیرگن توقنه شولرده کمیده بیر طالب هلاک بولگن و ایککی طالب ایسه یره لنگن.

تخار ولایتی نینگ رسمیلریگه کوره حاضر منطقه ده تینجلیک برقرار بولگن قوراللی طالب لر منطقه دن قووب چیقاریلگن.

تخارولایتی نینگ خوف سیزلیک مسوللریگه کوره، اربکی لر و قوراللی طالب لر بیلن توقنه شو خواجه غار ولسوالیگی نینگ زرد کمر منطقه سیده یوز بیرگن.

تخار ولایتی والی سی نینگ سوزچی سی فیض محمد توحیدینی ایتشچه، قوراللی طالب لر خواجه غار ولسوالیگده دولت بیلن همکارلیک قیلب کیله یاتگان اربکی لر قرارگاهیگه هجوم اویشترشگن.

اربکی لر هم اوز قرارگاه لریدن حمایت ایتیش اوچون طالب لرگه قرشی اوق اوزییشگن.

توحیدی جنابلریگه کوره، محلی پولیس هم اربکی لر یاردمیگه یتب قوراللی طالب لر بیلن بیرنیچه ساعت توقنه شیشگن.

نتیجه ده ایسه، کمیده بیر کیشی طالب اولدرلگن و ایککی کیشی طالب ایسه یره لنگن، اما طالب لرنی اوزی حاضرگه چه اوشبو خبرنی تصدیق له مه گن.

طالب لر گه قرشی قره تیلگن حربی عملیات قریب اوچ ساعت دوام ایتگن، طالب لر قتیق قرشی لیککه دوچ کیلگندن کیین منطقه نی ترک ایتیشگن.

تخار ولایتی نینگ خواجه غار ولسوالیگی اوشبو ولایت ده گی ناتینج حدودلردن سنه له دی، اوشبومنطقه ده قوراللی طالب لر فعالیتی لر کینگه یاتگان لیگی اوروغولنه دی، انه شو یوزدن هم اوشبو منطقه ده دولت عصیانجیلیک که قرشی کوره شیش اوچون ، دولت بیلن عصیانچیلرگه قرشی کوره شیشگه یاردم بیره یاتگان اربکی قوراللی گروه لرنی فعال لشترگن.