طالبانگه قرشی جنگده فاریاب اهالی سی یاردمچی بولگن

Image caption توقنه شو لر فاریاب ولایتی نینگ گرزیوان تومنیده روی بیرگن

شمالی فاریاب ولایتده طالبان و دولت کوچلری آره سیده روی بیرگن توقنه شو لر نتیجه سیده تورت نفر طالب هلاک بولگن .

رسمی لرنینگ ایتیشلریچه فاریاب ولایتی ننیگ گرزیوان تومنی ده گی توقنه شو لرده هلاک بولگن لر آره سیده منطقه ده گی طالبان قومانداننی هم بولگن.

توقنه شو لر، بوگون توشدن کیین بیر گروه قوراللی طالبلر گرزیوان تومنی نینگ جوزک قشلاغیده گی پولیس قرارگاهیگه هجوم اوییشترگندن سونگ صادربولگن .

فاریاب ولایتی نینگ پولیس قوماندانلیگی سوزچیسی سید مسعود یعقوبی ، قشلاق اهالی سی طالبلرهجومی آستیگه کیلگن پولیس کوچلریگه یاردم بیریشگنلرینی معلوم قیلگن .

اوروش ایسه قریب اوچ ساعت دوام ایتگنی و نتیجه ده تورت نفر طالب اولیمگه سبب بولگنینی ، محلی ملازم لر معلوم قیلگن.

اولدیریلگن تورت نفر طالب آره سیده ، منطقه ده گی طالبان قوماندان لریدن ملاشیرین اسملی شخص نینگ بولگنی هم ادعا قیلنگن.

یعقوبی جنابلری گه کوره اولدیرلگن تورت طالب جسدی اوروش صحنه سیده قالگن.

قالگن طالبلرایسه آرتگه قیتیشگه مجبورلنتیریلگن لیگی ایتله دی.فاریاب ولایتی خوف سیزلیگ مسووللری یوزبیرگن توقنه شووده بیرقنچه قورال –اسلحه هم پولیس قولیگه توشگن لیگی نی ایتماقده.

فاریاب رسمی لری ایسه توقنه شولرده پولیس کوچلری و منطقه ده گی اهالیگه هیچ قنده ی ضرر تیکمه گنینی تاکید له گن .

قوراللی طالبلر حاضرگه چه اوشبو حادثه باره سیده بیرار مناسبت بیلدیریشمه گن .