افغانستانده وحشی لیکلر حساباتنی بیرلشگن مللتلر یشیرگن

Image caption حسابات 1978 ییلگی حربی تونته ریش دن باشلب ، سویت اشغالی ، مجاهدلر اوروشلری ، طالبان نینگ قدرتگه کیلیشی و حرکت نینگ امریکا ایتکچیلیگیده گی اتفاقچی کوچلرگه اینگلیشی دورلرینی قمرب آلگن.

لی تیمپس "Le Temps" روزنامه سی نینگ یازیشچه ، سویت اشغالیدن باشلب تا کی امریکا باشچلیغی ده گی اشغالگچه اوتگن دورده افغانستانده انسان حق لرینی آیاق آستی قیلیش کینگ ترقهلگنی باره سیده گی حسابات دنیا گه معلوم قیلنمی کیلگن.

اونده سویت اتفاقی ، مجاهدلر ، طالبلر و نهایتده امریکا کوچلری صادر ایتگن "وحشیلیکلر "حقیده سوز باره دی .

لی تیمپس روزنامه سیگه کوره، حساباتنی تیارلش اوچون کمیده بیر ییل ایزله نیش آلیب بارلگن و 2005 ییلی اعلان قیلنیشی کیرک ایدی.

اما افغانستان جمهوررئیسی حامد کرزی اونی آشکار ایتمسلکنی سوره گن .

سببی –جناب کرزی حکومتیده ایشله یاتگن بعضی ملازملرنینگ ناملری انسان حقوقنی تاپته گن انسانلر صفتیده حساباتده قید ایتلگن .

شوباعث ناشرعینی حسابات اته ییدن باستی –باستی قیلنگن ، دیب اورغولیدی.

لی تیمپس روزنامه سی اوز مقاله سینی اساسلرگن ، یشریب کیلنگن بو حسابات نینگ 300 مینگ صحفه لیک نسخه سیگه ایگه ایکنلیگنی تاکید لیدی.

حسابات 1978 ییلگی حربی تونته ریش دن باشلب ، سویت اشغالی ، مجاهدلر اوروشلری ، طالبان نینگ قدرتگه کیلیشی و حرکت نینگ امریکا ایتکچیلیگیده گی اتفاقچی کوچلرگه اینگلیشی دورلرینی قمرب آلگن.

اونده "شورالر ، کمونیست رهبرلری، اسلامی جنگریلر و حتی امریکا کوچلری تورلی درجه ده گی "وحشی لیکلرگه قول اورگنلری ایتله دی ، دیب یازه دی روزنامه .

مذکور جنایتلر سیره سیگه قیناقلر، رساله ده گی دیک تیکشرلمسدن، شاشیلینچ عملگه آشیرلگن قتللر، عاموی جنسی زورلشلر و باله لردن جنگچی لر صفتیده فایده لنیشلر کیرتیلگن.