افغان امنیتی کوچلر آره سیده طالبلر نفوذ قیلمه گن

افغان حکومتی بیرلشگن ملتلر تشکیلاتی نینگ سابق خادملریدن بیری نینگ، ملی اردو و پلیس صفیگه طالبان قوراللی لری نفوذ قیلگن دیگن سوزینی رد ایتیب چیقدی.

افغانستان خوف سیزلیک مسوولیتی نینگ افغان کوچلریگه تاپشریش برنامه لری جدی بیرشکلده یولگه قویلیب کیلرایکن ، لیکن بیرلشگن ملتلر تشکیلاتی نینگ مخدره ماده لرگه قرشی کوره شیش اداره سی نینگ سابق وکیلی ماریا کوستا ، افغان ملی اردو وپلیس کوچلری اره سیده طالبلر نفوذ قیلگندیب بوایسه کیله جکده جدی معما توغدریشی ممکن دیب سوزیوریتگن.

همده ماریا کوستا الدیندن طالبلر اردو و پلیس صفیگه قوشیلگن دیب، بعضی بیر ترورچلیک عملیات لرنی بجریش نیتیده بولگنینی ادعا قیلگن، اما افغانستان حکومتی بوکبی ادعالرنی اساسی دیب سوزیورتگن.

بوخصوصده افغانستان مدافعه وزیرلیگی نینگ سوزچیسی ظاهرعظیمی شوندی فکر بیلدردی

"غرب مملکت لری نینگ بعضی بیر یوقاری مرتبه لی خادملری ایشدن چیت لنتریلیشی بیلن خلق فکرلرینی جلب ایتیش اوچون واقعیتی بولمه گن گپلرنی ایته دیلر. اوتگن توقیز ییل جریانیده دشمن نینگ اردوصفیگه بولیشی خصوصیده مهم قندی بیر واقعه کوریلمه گن، شو اوچون بیز بو ادعانی رد ایته میز دیدی".

شونینگدیک عظیمی جنابلری ایککی مرته افغان عسکرلری تمانیدن خارجی کوچلرگه اوق اچیش مسله سی کوزه تیلگنینی ایتیب، اما بومسله اونچه خواطرلی وجدی ایمس لیگنی اورغوله دی.

آلینگن قرارلرگه کوره 1014 میلادی ییلگه چه افغانستان خوف سیزلیگینی افغان امنیتی کوچلریگه تاپشریلیشی ریجه لنگن، لیکن پلیس و اردو صفیگه جذب ایتله یاتگن شخصلرنی سواد سیزلیگی عینی حالده طالبلرنینگ افغان کوچلری اینقسه پلیس ارسیده نفوذ قیلگن دیگن مسله ایسه جدی خواطرلرنی توغدیرگن، اما ایچکی ایشلروزیرلیگی نینگ سوزچیسی زمری بشری طالبلر نفوذینی الدینی الیش اوچون جدی هادیملر کوتاریلگنینی معلوم قیلدی.

شونینگ دیک اتفاق کوچلری هم بومسله باره سیده مناسبت بیلدیریب طالبلرنینگ افغان امنیتی کوچلر اره سیده نفوذ قیلیشی اونچه لیک خواطرلی ایمس لیگینی ایتگن

جنور ی اییده امریکا کوچلری نینگ خوست ولایتیده کی حربی قرارگاه سیده اویشتریلگن انتحاری هجومنی طالبلر اوز ضیمه سیگه الگن ایدی. عینی حالده طالبلر اوشبو انتحاری هجوم اردو صفیگه فعالیت الیب باره یاتگن بیر عسکر تمانیدن اویتشریلگن دیب ادعا قیلگن ایدی.

باشقه تماندن اوتگن ییل نینگ نوامبر اییده بیر پلیس عسکری هلمند ولایتیده بریتانیا کوچلریگه قره ته اوق اچیب بیش بریتانیا لیک عسکرنی هلاک ایتگن ایدی.