ایسکی تورک تیلی - تاریخی

ایسکی تورک تیلی تاریخی ناملی کتاب مولفی، کابل عالی اوقوو یورتی تورک تیلی دیپارتمنی نینگ استادلریدن عبدالرحیم معصومی ناملی شخص دیر.

ینگیدن باسلیب چابدن چیققن بوکتاب ایسه بیش فصل دن عبارت بولیب، میلاد دن آلدین دن یعنی کوک تورکلر،اویغورلر قره خانیلرتولیقچه تا قبچاقلرحکومت سورگن پیتی گه قدر یعنی 14تورتینچی عصرگه چه عکس ایتتیریلگن.

عین حالده بوکتاب ده دنیا بویلب یشه گن تورکی خلقلرنینگ تیلی ،مدنیتی حیاتی و دینلری وشوجریانده یوزه گه کیلگن اوزگه ریش لر وآلیب باریلگن اروشلری حقیده هم معلومات بیریلگن

اوشبو کتاب ده تورکی خلق لرنینگ قدیمگی زمانلرده قوللنه یاتکن الفبا وشونگه اساسلنگن متن لرسیغدیریلیب وحاضرگی اوزبیک تیلیده ترجمه قیلینگن شونینگ دیک اوشه پیت لردن قالگن آته لر سوزی هم اوشبو کتاب ده اورین بیریلگن.

باشقه تماندن بو کتاب ده قدیمگی تورکی تیل لرنینگ هربیرقوللنه یاتگن سوزلری سوزلیک شکلیده حاضرگی تیل ده کتاب نینگ هربیربیتیده افاده لنتیریلگن.

اوزون عصرلرده تورکی خلق لر اوز مدنیتی تاریخی وقدریت لرینی افغانستانده عصرلردوامیده تانیتیشگه امکان تاپمی کیلگن لر، تورکی تیللرخاندانیدن بولمیش اوزبیک تیلی ایسه اوشبو مملکتده رسمی بولگندن کیین شونگه اوخشش بیرقطارکتاب لر چاپ ایتلیب ینگی نسل گه ییتکزیلماقده بوحرکت لرایسه ینه ده کوچلی بولیشی کوتیلماقده

هرچند سونگی ییللرده مملکت ده تورکی خلقلر نینگ تیلی تاریخی ومدنیتی نی تانیتیش اوچون ایریم مدنی اویوشمه ونادولت تشکیلات لر تشبث لری بیلن بیر قطار سعی حرکت لر یولگه قوییلیب کیلماقده بوایسه ایجابی قدم دیب بهالنه دی.

لیکن بوحرکت لرایسه بوساحه رواجله نیب یوکسه لیشی اوچون ییترلی بولمی بیراق دولت تماندن بوخصوصده جدی راق اعتبارقره تیلیشی کوپراق ثمره بیریب سلماقلی بولیشی تاکیدلنه دی

اما حاضرگه تورکی خلق لرنینگ تیلی ومدنیتی نی یوکسه لیب رواجله نیشی اوچون دولت تمانیدن کوزگه کورینرلی اعتبارقره تیلمی کیلماقده.