تخارولایتیده اویشتریلگن هوای هجوم تلفاتی

تخارولایتیده ناتوکوچلری تمانیدن اویشتریلگن عملیاتده، محلی رسمیلرگه کوره طالبلرنینگ اوچ قوماندانی داخل اون آلتی قوراللی طالب هلاک بولگن.

رسمیلرنینگ خبرقیلیشلریچه تخارولایتی نینگ ینگی قلعه و درقد ولسواللیک لری نینگ بعضی بیر حدودلریده ییروهوا آرقه لی اویشتریلگن عملیات نتیجه سیده کمیده اون آلتی قوراللی طالب هلاک ایتیلگن.

تخارولایتی نینگ ولایت حاکمی سوزچیسی فیض محمد توحیدی، هلاک ایتیلگن طالبلردن اوچته سینی اوشبو گروه نینگ قوماندانلری دیب فکر بیلدیرگن، لیکن طالبلر حاضرگه چه بوخصوصده قندی مناسبت بیلدیرمه گن.

عینی حالده توحیدی جنابلری عملیاتده افغان کوچلرینی هم حصصه قوشگنینی اروغوله گن. شونگه قوشیمچه قیلیب او، عملیات جریانیده افغان امنیتی کوچلری و اهالیگه هیچ قندی ضرر ایتمه گنینی ایتگن.

باشقه تماندن محلی رسمیلرعملیات اویشتریلگن قل آباد وبوریا باف، منطقه لرینی دولت نظارتیده اوتگنینی معلوم قیلگن لر.

بوندن آلدین هم ناتوکوچلری تخار ولایتی نینگ درقد و رستاق ولسواللیک لریده ایککی مرته هوای هجوم اویشترگندی، درقد ولسواللیگیده اویشتریلگن هوای هجومده بیرنیچه عصیانچی هلاک ایتیلگنی تصدیق لنیب، لیکن رستاق ده کی هوای هجومده اون کیشی سیلاوو آلدی تبلغات خادملری نشانگه الینگنی محلی رسمیلر تمانیدن اورغولنگندی اماناتوکوچلری اوشبو کاروانده اوزبیکستان اسلامی حرکتی بیلن علاقه دار بیرکیشی نینگ اولدریریلگنینی ادعا قیلگندی.

سونگی پیتلرده تخار ولایتی نینگ تاجکستان بیلن چیگره داش بولگن ینگی قلعه، درقد وخواجه بهاوالدین ولسواللیک لریده طالب لرنینگ انچه فعال بولگنی ایتیلیب کیلماقده.