عالی تینچلیک کینگاشی رسما اوزایشینی باشله دی

افغانستان جمهور ریسی حامد کرزی ، عالی تینچ لیک کینگاشی نینگ آچلیش مراسمیده سوزگه چیقیب اوشبو کینگاش نینگ قرار آلیشده مستقل بولیب هیچ قندی ارگان اولر نینگ ایشلریگه اره لشمیدی دیب ایتدی .

کرزی جناب لری اوشبو کینگاش خلقرا هم جمیعت مملکت لری نینگ حمایتی آستیده بولیشینی قوشیمچه قیلدی.

عالی تینچ لیک کینگاشی کیله سی هفته اوشبو کینگاش رییسی نی تعیین ایتیش همده ایش برنامه لری خصوصیده بحث قیله دی لر.

ایتیلیشیچه اوشبو کینگاش افغانستانده تینچ لیک نی تامین لش همده قورا للی دولت مخالف لری بیلن مذاکره لر یولگه قوییشگه حرکت قیله دی .

عالی تینچ لیک کینگاشی نینگ روی خطی اعلام بولیشیدن اون کون اوتر ایکن اوشبو کینگاش بوگون پایتخت کابلده اوز ایشینی باشله دی.

اوشبو کینگاش نینگ بیرینچی یغیلیشی ریاست جمهور لیک سراییده کینگاش اعضا لری همده دولت مقام لری اشتراکیده بولیب اوتدی .

افغانستان جمهور ریسی حامد کرزی عالی تینچلیک کینگاش نینگ آچیلیشی مراسیمینی باشلب بیرر ایکن ، اوشبو کینگاش افغانستانگه تینچلیک آلیب کیلشیگه، افغانستان خلقی کته امید بیلدیره یاتگنینی ایتدی.

شونینگ دیک کرزی جنابلری اوشبو کینگاش خلقرا هم جمعیت حمایه سیگه ایگه بولیشنی تاکیدله دی.

جمهورریس حامد کرزی عالی تینچلیک کینگاشی مستقل بیر کینگاش ایکن لیگی نی اورغولب ، لازم بولگن تقدیرده افغانستان حکومتی اوشبو کینگاش بیلن همکارلیک قیلیشگه تیار ایکن لیگی نی ایتدی.

عالی تینچیلیک کینگاشی ، بوندن تورت آی الدین کابلده 1600 کیشی نماینده لر اشتراکیده بولیب اوتگن ملی مصلحت کینگاشی قراری اساسیده یولگه قویلگن.

اما حاضرگه چه تینچلیک عالی کینگاشی نینگ باشلیغی و یوللوچی هیاتلری تعیین لنمه گن،اما اوشبو کینگاش باشلغینی تعیین لش اوچون ایشلر دوام ایتماقته.

افغانستان جمهور ریسی حامد کرزی، اوز سوزلریده تینچلیک عالی کینگاشی نینگ ایکنچی یغلیشیده اوشبو کنیگاش باشلغینی تعیین لش همده ایش برنامه لری اوستیده بحث آلیب باریشنی ایتدی.

70 کیشی لیک اعضاگه ایگه بولگن عالی تینچلیک کینگاشیده ایرم سابق جهادی رهبرلر، طالب لرنینگ بعضی سابق اعضالری ، خلقرا هم جمعیت دن ایرم نماینده لر و قریب اون عیال اشتراک ایته دی.

ایتلیشچه اوشبو کینگاش ، افغانستانده تینچلیک نی تامین لش همده دولت مخالف لری بیلن مذاکره آلیب باریشگه یاردم بیره دی.

اما طالب لر افغانستان حکومتی یولگه قویگن بو تینچلیک کینگاش نی تنقیدلب، چیقارگن بیانات لریده بو کینگاش سعی و حرکت لرینی فایده سیز دیب بهاله دیلر.