کرزی نینگ قندهارگه اوچینچی سفری

Image caption کرزی قندهار اهالی سیدن ، ایچکی و تشقی کوچلرگه یاردم بیریشینی هم ایسته دی

افغانستان جمهور رییسی حامد کرزی بوگون ییرته لب قندهار ولایتی ده سفر قیلدی .

اوشبو سفر ده کرزی جنابلری بیلن امریکا قوشمه ایالت لری نینگ کابلده گی ایلچی سی جنرال کارل آیکن بیری ،افغانستانده گی خارجی کوچلر نینگ عمومی قوماندانی جنرال پتریوس ، افغانستان مدافعه وزیری عبدالرحیم وردک ، همده ایچکی ایشلر وزیری نینگ اورین باسری معین منگل هم بیرگه لیکگه کیتگن ایدیلر .

کرزی جنابلری بوگون قندهار ولایتی نینگ ارغنداب اولوسوالیگیگه کیتیب قریب اوچ مینگ قوم بویوک لری بیلن اوچره شگن.

اوییرده کرزی جنابلری ، ارغنداب اهالی سی قندهار شهری گه کوچیب کیلگن لری تینچلیک نی یمان لشیشی گه یاردم بیرگن لیگی نی ایتگن . شونینگ دیک کرزی جنابلری ارغنداب خلقی دن یاش لرینی طالبان فعالیتی لری نینگ آلدینی آلیش اوچون توزه تیلگن قومی کوچلرگه قوشیلیشینی ایسته گن.

عین حالده ، قندهار قوم بویوک لریدن بیری کرزی جنابلریدن ایسته دی کیم اگر ده دولت قندهار ولایتی نینگ قیته قوریش مسئله سی اوچون بیرگن وعده سیگه عملی قیلسه اولر دولت بیلن یاردم بیریش گه حاضر دیلر.

خارجی کوچلر تمانیدن قندهار گه کینگ عملیات یولگه قویلگن دن کیین بو اوچینچی مرته که جمهور رییس کرزی قندهار گه سفر قیله دی.

عین حالده معلومات لرگه کوره ، قندهار ولایتی گه یولگه قوییلگن عملیات اوچینچی مرحله گه ایشیتگن.

بو اوچینچی مرحله ، قندهار حدودلریدن طالبان حضورلری و فعالیت لرینی اورته دن ایلتیش دیر.

هرچند خارجی کوچلر تمانیدن نیچه آی دن بیری قندهار ولایتی ده کینگ عملیات یول گه قوییلگن اما کوری نیشیچه اوتگن نیچه کون دن بیری قندهار وضعیتی کوپ گینه یمان لشیب کیلماقده .

طالبان تمانیدن سرک چیکه سیگه اورنه تیلگن ماین لر نینگ پارتله یشی ، و اوشبو گروه نینگ باشقه فعالیت لری قندهار نینگ وضعیتی نی یمان قیلگن.

اما بو حالتده قرگنده ، افغانستانده گی ناتو کوچلری ، اوشبو کوچلر نینگ قندهار عملیاتی دن قولگه کیلگن نتیجه لرنی موفقیت لی دیب ایته دیلر.

شونده ی بیر حالتده ، افغانستان حکومتی و خارجی کوچلر قندهار عملیاتی نینگ انچه مهم دیشیب ، قندهار گه تینچلیک نی تأمین بولیشی نی افغانستان بویلب تاثیر قیلیشی نی اورغوله یدیلر.