تورت ایتالیا لیک عسکر افغانستانده هلاک بولدی

Image caption ایتالیا مطبوعاتیده ایتیلیشیچه عسکر لر فراه ولایتی نینگ غربیده جایلشگن " گلستان " منطقه سیده هلاک بولگن.

ناتو فرمانی آستیده افغانستانده خدمت قیله یاتگن خلقرا کوچ لر نینگ تورت عسکری هلاک بولگنی دن خبر بیرگن.

ناتو کوچ لرینینگ چیقرگن بیانتیگه کوره اوشبو عسکر لر افغانستان غربیده قورال لنگن قوزغلان چی لر نینگ حمله سی نتیجه سیده هلاک بولگن.

ناتو کوچ لری بو حقده به تفصیل معلومات بیرمه گن..

اوشبو کوچلر تمانیدن چیقاریلگن بیاناتده هلاک بولگن عسکر لر قیسی ملت دن ایکن لیگی ایتیلمه گن ، لیکن ایتالیا مدافعه وزیرلیگی قولیدن گزارش بولیشیچه اوشبو عسکر لر ایتالیا لیک بولگن لر.

ایتالیا مطبوعاتیده ایتیلیشیچه عسکر لر فراه ولایتی نینگ غربیده جایلشگن " گلستان " منطقه سیده هلاک بولگن.

افغانستانده حاضرگی کونده ایتالیا نینگ 3400 عسکری موجود بولیب ایتیلیشیچه میلادی ییل نینگ سونگی گه قدر بو عسکر لر نینگ سانی تورت مینگ گه ایته دی

عین حالده ، ناتو کوچ لری نینگ ایکی عسکری جمعه کونی ، میزان آی نینگ 16 سیده افغانستان جنوبیده قربان بولگن ایدی .

ناتو خبر نامه لریدن بیریده ایتیلیشیچه بو ایکی عسکر یول چیتیده جایلشتیریلگن بمب پارتلشی نتیجه سیده ایککی ایری محل لر ده هلاک بولگن.

سونگی پیت لر ده افغانستانده قوزغلان چی لر فعالیتی کوپیگن ، اولر اوز فعالیت لرینی افغانستان نینگ جنوبی منطقه لر یدن شمالی و غربی منطقه لری سری کینگیتیریش نیتیده لر.

حاضر گی کونده اوشبو قوزغلان چی لر گه قرشی عملیات لر افغانستان جنوبی ده یولگه قوییلگن، اوشبو عملیات لر طالب لر نینگ اصلی مرکزی قندهار و اونینگ اطراف لریده قره تیلگن.

افغانستان شمالی و غربی منطقه لری سونگی ییل لرده بیر آز تینچ بولیب کیلگن ایدی ، لیکن آخرگی پیتده بو منطقه لر هم کوپگینه قره مه قرشیلیک لر بیلن یوزمه یوز کیلدی .

افغانستان نینگ بو ندی منطقه لریده قوزغلان چی لر نینگ فعالیتی آشیشی ممکن دیگن خواطر لر یوزه گه چیقماقده .