قاچقینلر نینگ اولکه گه قیتیشلری

افغانستان قاچقینلر وزیرلیگی ایران وپاکستان ده بولگن افغان قاچیقنلری نینگ اولکه ده قیتیشلری اوتگن ییلگه سالیشتیرگنده ایککی برابر کوپه یگنینی ایتدی.

عینی حالده قاچیقن لر وزیری جماهیر انوری، پاکستان و ایران اولکه لریده حیات اوتکزیب کیله یاتگن افغانلرگه ایش و تحصیل زمینه لری یره تیلشینی هم معلوم قیلدی .

افغان رسمیلرینی ایتیشلریچه بوندن تشقری اوز ایسته گی بیلن اولکه ده قیته دیگن افغان مهاجرلری اوچون، یخشی زمینه لر یره تیلیشی اینابتگه آلینگن.

قاچیقنلر وزیرلیگیگه کوره، اولکه ده قیته دیگن هربیر افغان گه 150 امریکا لیک دالر بیرلیشی قول اوستیگه آلینگن ریجه لردن بیری بولیب شونگه قوشیمچه اولرگه التی ایگه چه اوزوق اوقات بیریش کبی برنامه لرهم کوچه یتریله دی .

الدینلر ایسه اولکه ده قیته دیگن هربیر افغانگه 100 امریکا لیک دالر بیریلر ایدی.

افغانستان قاچیقنلر وزیری جماهیر انوری بوکونگی اوتکزگن مطبوعات انجمنیده، بونینگ یانیده اولکه ده قیتگن مهاجرلرگه باش پناه قوریش ریجه لرینی هم تیزلشتریلیشینی اورغوله دی.

عینی حالده انور جنابلری جاری ییل باشلنیشدن بیری حاضرگه چه اولکه ده قیتگن افغانلر سانینی اوتگن ییل نینگ عینی زمانیگه سالیشتیرگنده ایککی برابرگه آشگنینی ایتدی.

شونینگدیک او، ایران وپاکستانده بولگن افغان مهاجرلرگه ایش وتحصیل زمینه لرینی یره تیش اوچون هم پاکستان و ایران وکیللری بیلن صحبت لشیب بوخصوصده کیلشوو امضالنگنینی معلوم قیلدی.

انوری جنابلرینی معلوم قیلیشچه بو برنامه لر عملی بولیشی بیلن مینگلب افغانلرگه پاکستان وایران کبی اولکه لرده ایش زمینه لری یره تیلیب، تحصیل الیش شرایط گه ماس بولگن افغان یاشلریگه هم تحصیل الیش حقی بیریله دی.

رسمی معلومات لرگه کوره بو کبی کیلشوولر افغانستان قاچینلر وزیری نینگ ژنوده بولگن سفری چاغیده امضالنگن.

افغانستان قاچقینلر وزیرلیگی افغان مهاجرلری اوچون یخشی زمینه لر یره تیلیشینی ایترایکن پاکستان وایران اولکه لریده حیات اوتکزیب کیله یاتگن افغان مهاجرلری اوشبو اولکه لرنینگ یخشی مناسبتی بولمی بعضی بیرحالتلرده قوپال معمامله لربیلن یوزمه یوز بولیب کیله یاتگنلیک لریدن شکایت قیلیب کیلماقده.

افغانستان حکومتی بوکبی معمالرگه ایچیم یول تاپیش اوچون اوزاق ییلردن بیری سعی حرکت لرنی یولگه قویب کیلماقده لیکن شوندی بولسه بوکبی بوقیین چیلیک حل حاضرگه قدر هم حل ایتیلمه گندیر.